فيصل القاضي

اول مره احب مقرر ادا، والسبب بعد الله هو د. فيصل القاضي، رغم ان المقرر فلسفه لكن كان يشرح بذمة وضمير وما قصّر ابد، وصح اختباراته سيناريوز بس ماكانت تعجيزية، اذا انا مذاكر وفاهم راح تحل، ماعليك من كلام المهملين ويبون كلش عندهم، شد حيلك وبتجيب القريد.

الدكتور شادها بزيادة، دايم ياخذ وقت أكثر من وقت المحاضرة وأحيانًا يوصل نص ساعة. اختباراته صعبة وعنده مقالي. كل يوم له كلام غير وما تدري على وش بيرسي. الحضور مره يقول ما فيه بونص، ولما غابوا نص الشعبة فجأة حط بونص على الحضور وصار يخصم على الغياب شرحه صراحة رهيب لكن وش الفايدة من شرحك إذا الاختبارات بهالشكل؟

دكتور اسطوري لأبعد درجة، افضل شرح شفته بحياتي، شغوف بالمادة وبالتعليم. اختباراته تعتبر متوسطة لصعبة ولازم تذاكر مذاكرة عميقة عشان تجاوب ويجيب اسئلة من شرحه بالمحاضرة، وقليل الاسئلة المباشرة من السلايدات (ما عنده نظام احفظ التعريف وجاوب، لازم تفهم) واختباراته فيها مقالي بس انه سهل عطانا كيس ستدي نحله بالذكاء الاصطناعي وعليه اسأله مقالية كان سهل ويده خفيفه بالتصحيح فيه. كثير يشوفون انه شادها بس بالعكس هو الوحيد اللي خلاني افهم مواد الادا، وحتى اللي هجت معهم بالاختبارات شجعهم ببونس بالمد الثاني.