الدكتوره مررره حليله و عسل وكلاسها يونس وتكاليفها بسيطه ومره تمشي الله يسعدها بس (لازم تذاكرون السلايدات وتفهمونها )، عطتنا بونس بالميد و مشت شوي بالفاينل

بكل اختصار تدف بشكل موو طبيعي وتعطي بوونس وتجنن تجنن تبون درجة ممتازة خوذوا معها بس مو معناته تتهاونون بالمادة! لا بس ذاكرو زين وبتلقون ثمرة تعبكم وبتراااعيكم، والتواصل معها يسير مره ومرنة ومتفهمة ملكة مللللكة

الله يسرلها ووفقها يارب ويكتب لها كل خير ويرحم والدها ويجمعها و إياه بجنات النعيم اول مره اعلق على دكتوره لطيف جداً وان شاءالله تستمر بهذي اللطافه

تجنن تجنننننن بمعنى الكلمة، اذا لقيتي اسمها لا تتعبين نفسك تدورين غيرها سجلي وانتي مغمضه،، ماعندها تكاليف كثيره بس خريطه مفاهيم واسئله عمل جماعي الاختبار يجنن بمعنى الكلمة عطتنا بونس خمس درجات، 3 مع الميد و 2 هدية، اذا ما استخدمتيها بالميد ما تروح عليك، الله يسعدها وين ما كانت

هذي الدكتورة عسل عسلل، تكاليفها بسيطة جدا واختباراتها سهلة ومتعاونة جداا ، إذا فيه لقب لملكة البونس هي الي بتستحقه الله يوفقها يا رب وين ما كانت

عسللل عسللل اسلوب واخلاق وخفة دم احلى محاضره محاضرتها والماده معها خفييييفه ماتحسين انك درستيها ومتعااونه مره بالتكاليف بسيطه ولاشي وعطتنا كلنا كامل فيها ومع بونس الله يسعدها ويجزاها الجنه❤️❤️

الماده ثقيله بس بروحها وشرحها تخفف عليك مره عسوله مره وكريمه بالدرجات وتعاملها رائع. الله يوفقها صدق

أفضضل دكتورة عرب، المنهج كله على بعضه ما يوصل ٤٠ سلايد، وعطتنا تكليفين واحد فردي عبارة عن تلخيص لقاء، والثاني جماعي عبارة عن قراءة نص بالمحاضرة ونجاوب على أسئلته وتجهزون الأجوبة من قبل، والميد كان من ٣٠ درجة، ٢٠ موضوعي و ١٠ مقالي تجيبها من أسئلة النصوص اللي بتعطيكم وسهل تعلمكم قبلها وش الأسئلة اللي تحفظونها بالضبط، والفاينل كان غالبيته مقالي ويمكن بس ١٠ أسئلة موضوعية، لكن بشكل عام الاختبار سهلل والمقالي مقدورر عليه، ودفتناااا بالقريد كثير لدرجة نص الشعبة A+ يمكن بس أربع أو خمس اللي ما جابوها

الله يسعدها يارب كلاسها ممتع وكله سواليف ما تحسون بالوقت. شرحها كويس وروحها حلووه 🤍

ماعندي شي اقوله الا جعل من جابها في جنات النعييم الله يسعد قلبها 🤍🤍🤍

اذا قدرتو تنزلون عندها نزلو بدون اي تردد بطلة من كل النواااحي

اذا هي الدكتوره الي سوت كتاب *بلاغة القران في وصف القيامة* وانتوا مغمضين خذوا وياها عسل عسل جبت عندها A+ بالراحة الله يسعدها ويكتب اجرها وتضحك وتحب تطلع من جو الكلاس 💘💘💘

رهيبه وبس

خذي عندها وانتي مغمضه تضمنين A+

تجنن ياربي مدري شقول شخلي 😭❤️❤️❤️

مدري وش اقول وش اخلي الحمممدلله اخذت عندها وعرفت هالدكتوره عسل عسل عسل تجنن متعاونه بشككل وتهبل وكل شي زين فيها الله يوفقها ويسعدها دنيا واخره ويغفر ويرحم لوالدها ويجمعها معه في جنات النعيم ياكريم

مهما امدح ومهما ازيد بكلامي والله مايوفيها حقها الله يسعدها وينور دربها ويسهل امرها زي ماسهلت امرنا بالماده حنوونه كأنها ام لنا مو معلمه تدرسنا عمرها مافرقت بين طالباتها وحتى التهزيء حقها لطييف وتهون علينا كثير بالماده ماصعبتعا ولا ثقلتها علينا د.نوره العمر خير مثال على المعلم الناجح والجيد مستحيله هذي الانسانه لطيفه بشكل ولو فيه ماده ثانيه لها بنزل عندها وعيوني مغمضه ودام الي تدرسني دكتوره نوره درجاتي بأمان تستاهل كل خير وتستاهل كل مدحه جت عليها ماندمت اني اخترتها بين ثلاث دكتورات

من افضل الدكاتره الي مروا علي الله يسعدها وين ماكانت مره متعااااونه من ناحية التكاليف واسلوبها حلو وشرحها مفهوم ومن كثر اهتمامها تدور لك الدرجات🤍🤍

تعطي كامل بالتكاليف انسانه جبااااره

عسل تبارك الرحمن الله يسعدها

الشرح حلو والميد كان متوسط بتحلين اذا ذاكرتي الاسلوب اكثر من رائع وتعاملها حلو مع الطالبات الله يوفقها يارب عطتنا بونس درجتين اتمنى تدرسني الترم الجاي صراحة لاني ارتحت نفسيا معها

دكتورة تجنن أخلاقها عالية وراقية وذوق وتشرح شرح ممتاز أكثر من رائعة لاتفوتكم أبدا كل مقرراتها ممتعة وتدخل المعلومة ببساطة بدون أي تعقيد جميلة من الداخل والخارج الله يسعدها❤️❤️

أمووووووت عليها عسل عسل ما تحسين بالمادة معها، ما ثقلت علينا لا بواجبات ولا تكاليف واختبارها سهل وتعلمنا وش بتجيب فيه، وتعطي بونس يعني ايش اكثر من كذا ملاااك الله يسعدها وين ما كانت❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

عسل لا أحد يتردد ينزل عندها شرح ممتاز تعامل جميل ومتعاونة الاختبار اللي مذاكر راح يقدر يحل وتكاليف سهلة وتعطي بونس

الدكتورة تهبببببببل اخلاق وتعامل وأسلوب وكلش , المادة خفيفة مرة عطتنا ملزمة صغيرة نذاكرها ومشروع المادة سسسهللل واحد جماعي قراءة نص والثاني تقرين كتاب وتحطين ايجابيات وسلبيات وكذا , كنا نخلص بدري بالكلاسات وخلصنا المنهج بدري بعد , اختبارها حلو بس اغلبه مقالي وعددي لكنها تمشي بالتصحيح لوكاتبة من فهمك

نزلوا عندها وانتم مغمضين شرحها بسيط وكلاسها مايطول اختباراتها سهله وحطت لنا بونس تخلصكم بدري وتكاليفها سهله تضمنون A+ مره محترمه واسلوبها عسل

لا يعلى عليها اذا عندكم فرصة تاخذون العرب معها خذوه وانتم مغمضين! تخلص الكلاس باقل من ساعة وشرحها حلوو واختباراتها سهله وفوقها بونس وتكاليف كامل سواء عرب ١٠٠ او ١٠١ لا تفوتونها بيكون خفيف على قلبكم معها

اخذت معها نحو، وكانت ماسكه المحاضرة العملية، تعاملها كويس وتسلك مرة، نظامها البنات يسوون عرض اسئلة ونشارك معهم، وجودها كعدمه بالمحاضرة حتى ما تشرح بعد ما يخلصون البنات بس الي عليها تحضّرنا، اعطت بونس لبعض البنات الي داوموا في رمضان.

تهبببل واسلوبها عسسسل وتكاليفها ابسط من البسيطه الله يسعدها ياارب وييسر لها🤍

خيااااال اخلاق متعاونه وتساعد وتشرح كويس

عسل عسل لا تفوتون فرصة انكم تاخذون مادة عندها، تسهل عليكم قد ما تقدر، تعطي بونس وتضمنين درجاتك معها، وتعاملها لا يعلى عليه، يعني من كل النواحي رهيبة

تجنننننننن

اول ماتشوفون اسمها نزلو الماده بدون تفكير

عجيبه الله يسعدها وين ما راحت وييسر لها مثل ماتيسر على الطالبات، خذيت معها عملي وكانت ععسسلل ومتعاونه وتخيركم وش ودكم تسوون من أعمال وفوق ذا الكلاس مع انه عملي الا انه خفيف ولطيف مره ودائماً تغير جونا وتبسطنا الله يسعدها كثر ما أسعدتنا.

يا احسن وحده تعطي عرب بالحياة

ما ادري صراحة وش اقول وش اخلي تجننن تجنن هالانسانة من كل النواحي وكلاسها يجنن دايم كذا فيه حياة ويمر بسرعه مانحس فيه وما تاخذنا الا نص الوقت بس انا خذت عندها عرب ١٠٣ وافضل شي سويته اني نزلت عندها مع ان الماده سهلة مره بس تساعد البنات قد ما تقدر وتراعيهم بالدرجات يعني صدق افضل وحده خذت معها من دخلت الجامعه صدقوني لو جتكم الفرصه تنزلون عندها لا تفوتونها ❤️

استاذة عبارة عن سكر تجنن غصب تدخل المعلومة لو مالك خلق ، ميدها كان موضوعي وكلها اشيلء سطحية ، اسلوب وتعامل لا يُعلى عليهم . استاذة رائعة بالمعنى

درستني عرب 101 صراحه مره حبيتها ومره تراعي البنات واحلى شيء مافي درجات مشاركه تعطيكِ واجب مره سهل عليه 10 درجات والكل يقدر يجيبها و صراحه اختباراتها مو موه سهله ولا مره صعبه بس الي مذاكر صح واعطى الماده حقها رح يجيب.درجه كامله بس الي حبيتوا فيها بعد انو في الاختبار يعني لما اغلب البنات خلاص يطلعون يعني وما يبقى الا 7 او 10 بنات لو وحده قالت لها استاذه بس شوفي وش اغلاطي كانت تجي وتقول اغلاط البنات كلهم الي جالسين ما تقول الغلط بس تحدد لك الفقره الي فيها الغلط او بالاصح الي انتي غلطانه فيها صراحه استاذه بجد حبيبه وطيبه و متعاونه جدا جدا❤

أخذت مع الدكتورة : عرب 101 - عرب 103. جدا جدا جدا جدا بطلة ، الشرح واضح ومفهوم ، والأسئلة جدا سههلة ، وتحبّ تساعد الطالبات بششكل رهيب . . لو تعطي المادة في آخر الجامعة وإنتِ في أولها عااااادي روحي والله تستااهل مِن يتعنّى لها

تجنن هالاستاذه تعطي بونس وباختصار تضمنين درجات الميد كلها والمشروع اما الفاينل ماتقدر تسوي شي تعاملها معانا يجنن كاننا خواتها وتطلع عن المحاضره تجلس تسولف بعدين ترجع تشرح باختصار افضل استاذه

عرب ١٠١ شرحها حلو لكن الوحده الاخيره ما شرحتها لنا تقول ما يمدي ولا كانت تحل معنا تمارين الكتاب وما تاخذ وقت المحاضره كامل ، دبلت لنا درجة الميد الاول واسئلتها بالاختبار متوسطه ولا عندها مشاركه بس مشروع سهل مره