سليمان الفهد

ياحظكم فيه

درست عنده 107 ، الصدق دكتور ممتاز ما شاء الله و من الحظ الطالب ينزله ذا الدكتور ، دكتور هادي و ما قد غلط على احد ، مهو فرفوش و مضحك لا هادي ، شرحه ممتاز والله و كويس بس المشكله بطيء شوي الصدق بالشرح تصحيحه اسطووووري بشكل ، حتى لو ما عرفت حل السؤال اكتب الي تعرفه و بتكتشف انك ماخذ يمكن اكثر من نص درجة السؤال ، نهاية الترم بعد الفاينل حرفيا دفني قريد كامل

عمي وعم عيالي الله يجزاه الجنه

وش اقول وش اخلي ١-شرح لو تفر القسم كله ماراح تلقى احسن منه ٢-الرجال محترم ومؤدب ل ابعد مرحلة ٣-عادي تسأله ١٠٠٠ مره في المحاضرة هو مستعد يجاوبك كل مره ٤-اذا صحح لك يحاول قدر المستطاع ماينقصك واذا نقص اعرف انه شي كارثي وتستاهله ٥-الميدات بيعطيك حقك وشوي بس الفاينل الرجال يدف دف قوي اذا جاك في الاختبار ترا ماعنده مشكله يشرح لك السؤال ويعلمك كيف تحله ١٠٠٪؜ بنزل عنده مره ثانيه وثالثه بعد

دكتور بطل لا من تصحيح ولا من حضور، شرحه ممتاز وملفات ممتازه لكن المحتضره ما فيه تفاعل فيجيب النوم، اوقات الاختبار يساعدك تفهم السوال لو ما فهمته ومرن في الحضور والله يجزاه بالخير

وش اقول وش اخلي الله يسعد والدينه على كلشي كامل والكامل وجه الله

اي واحد يسب الدكتور هذا من النوع اللي يبغى الدكتور يجي يوكله ويشربه، انت سو اللي عليك وحل زين والدكتور ما يقصر، وتراه حبيب ويلغي محاضراته اوقات المدات ويرد دايم عالايميل، الله يجزاه الجنه ووالديه

تاريخي يا عيال لا يفووووتكم تصحيح اسطوري و يدف بالقريد النهائي و مرن جداً بالتحضير و يلغي محاضرات اذا طلبتوا منه ، ما يقصر مره الله يجزاه خير و يرحم والديه

دكتور سليمان رهيييب ، تعامله ممتاز ومرن بالحضور والتاخير ويكنسل محاضرات باسابيع الميدات تصححيحه مجنون بالميدات تطلع بدرجه اعلى من درجتك ودف بالقريد النهائي الصراحه قوت نزل عنده ولا تشاور ممتاز مره الصدق .

والله الدكتور رهيب رهيب شرحه يعتبر عادي ومتوسط جدًا لكن تصحيحه مو طبيعي لو تنزل له السؤال يمكن يعطيك درجات عليها يدف بالاختبارات وبالقريد النهائي والتحضير يحضر اخر المحاضرة القوت والله

دكتور عظيم جدا، ببداية الترم يكون شديد نوعا ما لين تبدا الميدات. متعاون جدا ويلغي المحاضرات بأسبوع الميد، تصحيحه بالميد الثاني والفاينل رائع جدا والظاهر انه دف. شرحه ما يعتمد عليه مرة لكنه كويس وتقدر تفهم المادة من خلاله.

الله يسعده و يوفقه 🤍

الدكتور تغير تعامله ذا الترم معنا ، من ناحية تصحيح كويس اما شرح لا تدور عنده

الله يسعده ويعطيه حتى يرضيه يارب كنت مهمل جداً للماده وخفت ارسب وبفضل الله ثم الدكتور نجحت (حسبت درجتي كانت اقل من درجة النجاح)

الدكتور يرسب و انا خريج بعد

كان كويس هالترم ثم قبعها معنا اخر شي لا مرونه بالمحاضرات ولا دف ولا تعامل قلب 180 درجه

الشرح حلو بس أحيانا يطول في المثال الواحد فيجيك النوم، بس والله الزود ولا النقصان جزاه الله خير. كدرجات ما يقصر يعطيك قد حلك بالضبط. التحضير ممتاز بس لا تتوقع يلغي محاضرة.

أطلق دكتور بتدرس عنده درجات تعامل تحضير و الي يقول غير كذا في راسه فسو

بالتصحيح يلتزم بنموذج الاجابة لا اكثر ولا اقل، اخر الترم طشم علينا ومايتعاون معنا

والله ياهو تاريخي من اطلق دكاترة الريض جعله بالفردوس

تاج راسي

ما اقول الا الله يسعده ويوفقه ويكتب له كل خير ويسهل له اموره مثل ما سهل علينا ، ويا حظ الي بينزل له الدكتور ما شاء الله، واحد من افضل الدكاترة الي مروا علي، من ناحية تعامل ومن ناحية تصحيح ومن ناحية تحضير اسطوري اسطوري اسطوري، شرحه عادي بالبداية كنت مركز معه وفادني الصدق لكن مع مرور الايام غبت كم يوم فما قدرت اكمل معه في الشرح، واشوف انك بشكل عام تحتاج مصدر ثاني بكل الحالات، لان شرحه ما يكفي صراحة، بغير هذا الشي لا يعلى عليه صراحة

يا جعل اثنين جابوك في جنات النعيم

من افضل الدكاتره فالجامعه رجال محترم وخلوق ومتعاون.

نصابين الدكتور جديد لسة لكن عسى الله يكتب فيه الخير

الدكتور جديد بالكذب

اللي تحتي نصاب الدكتور ذا جديد

الدكتور جديد لكن والله هو الدكتور المثالي لمواد الريض بشكل عام محاضره حلوه وخفيفة تسأله مايقصر معك والتعامل معه رائغ والدكتور متعاون جدا جزاه الله خير يده بالتصحيح اشوفها خفيفه نوعًا ما وموجود دايم بالساعات المكتبية ل أي سؤال ما اقول الا الله يجزاه خير بسس

ياخوان انا قيمت اخر شي طلعت غلطان الدكتور ممتاز وجديد

كنت متوقع إنه جديد و نزلت عنده .. حضرت اول اسبوع الدكتور شكله طاااازه يعني إن شاء الله صيده و ابشروا بالأخبار المفصله عنه نهاية الترم إن الله أحيانا

الدكتور ك شرح مو مره انا اعتمدت على مصدر خارجي لاكن الدكتور كويس في التصحيح و التحضير و تعامله اسطوري و يرد على الايميل ، خذ عنده و انت مغمض حرفيا

شرحه حلو بس يبيلك تركز لان بيجيك النوم

الدكتور ممتاز من ناحية تحضير , اذا كان فيه اختبار مهم وكلموه الطلاب يلغي التحضر يصير مايحضر لكن يشرح الدرس ويتقدم بالمنهج حتى لو محد حضر , منعاون في موضوع مراجعة ورقة الاختبار بعد الميدات, وكل اللي اعرفهم وراجعوا معه ورقة الاختبار زادهم درجات وماقصر معهم, محاضرته مملة وثقيله لكن شرحة جيد, بس صعب تركز معه لانه قليل التفاعل مع الطلاب اثناء الشرح , ممكن تلاحظ عليه التوتر اثناء الشرح وهذا طبيعي بما انه دكتور جديد. الله يسعده ويوفقه يارب.

دكتور يسوي الي عليه ومايقصر محترم واخلاق وماشاءالله وجهه سمح التحضير يحضر الدرجات يعطيك حقك بالضبط المحاضرة ياخدها كاملة والله ونعم

دكتور جديد هو يعتبر خيار ممتاز صراحة اذا طلع لك نزل عنده وانت مغمض

والله بالله وتالله انه ما قصر معنا ، من ناحية تصحيح ف يده خفيييفه ومن ناحية تحضير ما عنده مشكلة يحضرك لو جيت اخر محاضره ، ومن ناحية درجات ف هو ما يقصر ابدا ، دايم موجود ف الساعات المكتبية وبعد كل ميد يطلب مننا ان نراجع معه ورقة الاختبار للي عنده ملاحظة ولا يبي يشوف الدرجة ويناقشك و بعلمك عن خطاك وعادي يزيدك ، ومن ناحية اذا دخل علينا ف الاختبار وجيت تساله عن سوال ف يشرح لك وش المطلوب وما يقصر ابدا ، ما اقدر اقول الا الله يسعده ويوفقه يارب واذا نزلك ف احمد ربك

الدكتور جديد والصدق كان افضل دكتور عندي بالترم ما قصر من كل النواحي بس المشكلة الوحيدة اللي عنده الشرح مو مرة ومحاضرته طويلة ومملة شوي لكن لو تحيه بأخر ٥ دقايق حضرك ، وجيت براجع ورقة الميد وزادني درجتين ، الدكتور ممتاااااز

تعامل لايعلى عليه اسلوب راقي شرح ممتاز دكتور حرفيا يبحث عن مصلحة الطالب "يد خفيفه بالتصحيح" الدكتور جديد لكن اجزم انه افضل دكتور ل ١٠٧ ما اقول الا الله يسعده في الداريين

ماتوقع بيتكرر

اسطورة الاساطير واللي ما ينزل عنده خسران

الدكتور متعاون مع الطلاب و يدف بس مشكلته في الشرح

الدكتور ممتاز كان باقي لي شوي على القريد دفني الدكتور محترم و يتفهم في التأخير العيب الوحيد شرحه ممل ولاكن يسوى.

🔴الدكتور حبيب حبيب بشكل غير طبيعي ويحضر اخر الكلاس ومتعاون جدًا مع الطلاب اذا كان عندنا ميد صعب نكلمه ويكنسل المحاضره ولا يخليها عن بعد ويرسل لنا الملفات وكل شي متعلق بالماده اسبوعيًا 🔴المحاضره ثقيله نوعًا ما 🔴الدكتور يحضر الطلاب يوميًا لكنه يحضر في اخر الكلاس ولو دخلت متأخر يحضرك 🔴بالنسبه للشرح جيد لكن ماينلام الدكتور جديد ومع الوقت يتعلم ويتدرب 🔴وبالنسبه للدرجات الدكتور جزاه الله خير دف اغلب الشعبه الله يوفقه الدكتور المثالي لهذي الماده

الافضل في 107 بدون منازع متكامل والكامل وجه الله، الله يسعده وين ما يروح

الدكتور والله العالم أنه جديد، لكن يشهد الله علي أنه من أرجل الدكاترة وأفضلهم، تبيها من تصحيح ولا من حضور ولا من تعامل كلها عنده .. بس زي ما قالوا الشباب الكلاس عنده ثقيل شوي خصوصا الساعتين. أنصح وبقوة تنزل عنده الله يسعده ويوفقه ويجزاه خير ماقصر معنا

المرجلة ذي من سدير مية بالمية اقسم بالله إنه مثل الغامدي في ١٠٦ و اطلق منه بعد رجال خلوق و راعي جميلة مع الطلاب دفهم دف قسم بالله و غير إن يده خفيفة استقبلنا في مكتبه عشان نراجع أوراقنا و محد يطلع الا راضي و تراه خذ أعلى درجة و ضاعفها و الي يقول لك محاضرته ثقيلة تلقاه مفوت الكثير مع الرجال اصلًا شعبتين و ثلاث محاضرات بس و شرحه اسطوري و تفصيلي يعني يكفيك مع التدريب A+

الانسان هذا على قد ما تاخرت الا انه ما قال شي ويحضرني طول الترم الله يسعده

الأعظم في كل النواحي تحضير موجود يحترمك موجود يلغي محاضرات موجود تروح له للمكتب يستقبلك بكل احترام موجود والتحضير يمشي موجود يده خفيفه في التصحيح موجود بدف موجود إذا جاك فأنت محظوظ مشكلته الوحيدة اللي ما اشوفها مشكلة هذي وظيفته ياخذ المحاضره كامله