طارق الهدلق

جيد جداً اذا انت ما تغيب لانه يدف اللي ما يغيبون يتاخر بالتحضير لكن لا تدخل بعد ما يحضر لانه بيجدول عليك

والله دكتور رهيب الصدق دايم يمزح ويضحك وعادي يعني اشوفه ممتاز بالشرح يعني مااشوف الماده تحتاج شرح وتعامله ممتاز ومااتوقع يحرم على الغياب ولكن يدف اذا غيابك قليل الصراحه رهيب مره اذا نزل لك كويس مره والله

الدكتور عامةً ممتاز اقل واحد ياخذ بالبرزنتيشن ١٧ الغياب عنده نظام معين انو الطالب مسموح له يغيب كذا مره بدون يخصم عليه اذا تعداها يبدا يخصم. عطانا بونص جماعي يقول على حسب كل طالب وغيابه ومشاركته البونص قريد بس اعتقد ان الاغلب اخذ قريد لان درجات الميد سيئه محاضراته ممتعه وخفيفه ما يخذها كلها طول الترم ما يلغي محاضرات الا نادرا بس يلغيها اذا وقت البرزنتيشن عموما الدكتور مظلوم واشوفه كويس وبالنسبه لي افضل من الدعجاني

الشعبة كلها ما اعتقد احد اقل من B+ إلا الي مره جايب العيد ، مظلوم بالتقييم

محاضرته الصدق لازم تكون منتبه معه ولاتنسا الكتاب بداية الترم لانه بيخصم عليك وبعدين بيشيل الخصم الحضور مره متعاون دايم اعلمه ظروفي ويحضرني البرزنتيشن شديد شديد اذا انت نابغه بيعطيك 17 (اقل واحد 16) بالنهاية دف قريد وممكن اكثر الله يسعده( لكل الشعبة لانه طول الترم يقول بس الي حضوره كويس)

الرجال مزاجي ومايدف مره بالكثير درجه، بينقصك بالبرزنتيشن 3-2، لكن ميزته ماياخذ المحاضره كلها ياخذ نص ساعه ويمشي، ولازم كل واحد يشارك معه على الاقل مره او مرتين، ارى في خيارات كثير افضل منه بالماده

مزاجي مره مروق ومره منفس . . دقيق في البرزنتيشن وغالباً بينقصك من درجتين الى اربع اذا مره مبدع بينقصك درجه ، عطانا فل بالحضور والمشاركه ، دفني وانا غياباتي عنده كثير حدود ٧ او ٨ ساعات

الدكتور يعطي بونس للي غيابه قليل مره، محاضرته ماتطول ياخذ نصفها بالغالب ، لكن مايحب التأخيير أبدا ، وفي مايظهر ان الدكتور مايحرم لكن لاتفلها

دكتور رهيب والله بس مشكلته بينقصك في البرزتيشن أقل شي درجتين ثلاث لكن من الجوانب الثانية اسلوبه حلو وأهم شي حاول ما تغيب عنده عشان يدفك ببونص

اسطورة وبس لا تغيب اكثر من ساعتين عنده وامورك طيبة

محاضراته ضحك وفي الاخير دف الحقيقة بس ينقص بالبرزنتيشن

نصيحة اذا تدور الA لاتنزل عنده. في البرزنتيشن ١٠٠٪؜ بينقصك والاغلب نقصوا ثلاث درجات. يقولون اذا ماغبت يدف لكن اللي شفته انه مادفني وانا ماقد غبت و مشارك معه. ممكن دف درجتين لكن ثلاث درجات متاكد انه مادف

دكتور حليل من ناحية التعامل ومزاجي. محاضرة خفيفة ولا ياخذ كل الوقت(منزل عنده اثنين واربعاء) ياخذ حدود الخمسين دقيقة مايلغي الاربعاء. يدف. يجلد بالبرزنتيشن يعني عادي تنقص ٤ درجات. مجملاً دكتور جيد جداً. وش النصيحة الي اعطيك اياه؟ حاول تشارك معه وتسوي برزنتيشن محترم اذا تبي تجيب A+ لان اذا سلكت بالبرزنتيشن بينقصك واجد.

مقارنة بحقين النجم الباقين اعتقد هو الافضل بعد معيبد و عبدالودود

الدكتور ممتاز جدا درجات سواء حضور ومشاركة يضبطك القريد النهائي علشان يسوي لك اب قريد لا تغيب عنده

احبك لان اشغلته طول الترم، عشان اصير منصف والله رهيب بس اسلوبه شوي مزاجي

شف الدكتور يحترم الطالب ويمشي ليك مرات اذا تاخرت والبرزنتيشن مايخصم واجد ولا يعطيك كامل

الدكتور غريب مره تسبه مره تمدحه مره يجيك مروق وده يعطيك عيونه مره يجيك زعلان لو تبي دورة المياه طردك و حرمك حرفيا 50% ما تدري كيف تقيمه الافضل انك تغره ادا نزل لك

اختفى الاسبوع الخامس شكله جاب عيد مره ثانيه

الدكتور رجالللل والله يا اني كنت خايف منه بس طلع عسسللللللل ومتفاهم ومتعاوووون جدًا جدًا الله يوفقه وين ماراح نزلوا عنده على مسؤوليتي مايحرم عالغياب ولا يخصم ويعطيك فل ب اعمال السنة يمكن ينقصك بالبرزنتيشن بس

خيار كويس ومتساهل بالمشروع والدكتور حبيب

توني كاتب مدري شفيها ماتظهر ، لكن الدكتور بطل لا يفوتكم 👍

ماقصر عطانا بونص كلنا

الدكتور ذا للاسف مزاجي لابعد الحدود وكان الطلاب يسجلون عنده لانه يغيب كثير لكن ذا الترم فيه واحد بلغ عليه فا صار معد يغيب لكن صراحة افضل شي سواه انه عطا كل الطلاب درجات الغياب والمشاركة ومايحرم بعد فا هذا يشفعله لكن الباقي لاتدور

الصدق جاز لي الدكتور مره،مايهتم بالحضور ابدًا وهو اصلًا مايحضر الا نادر يعني اتوقع مافيه اسبوع بالترم حضره كامل بس مشكلته مايعلم انه بيغيب لكن مايحرم لذلك اذا مالك خلق عادي لاتروح البرزنتيشن صراحة ظالم شوي لاني شفت مستوى ناس أقل مني انا والي معي لكن كلنا نفس الدرجة لكن على العموم الي فهمته انه ماينقص اكثر من٣ بالبرزنتيشن الدف مدري عنه قال بدفكم قريد بشرط ياتصير حاضر كويس او بدعت بالفاينل درجتي منطقية ما اعتقد دفني ومدري اذا دف احد اصلًا

مزاجي مرات يحضر مرات يغيب مرات يضحك ومرات يعصب على حسب روقانه ذاك اليوم ، يغيب كثير وللاسف ما تدري بعض الاحيان يعلمك وبعض الاحيان تطق مشوار ولا تلقاه. اذا تعرف انقليزي نزل عنده وشارك كثير بيدفك ولا يقروشك اما اذا ما تعرف الله يعينك يمكن يذب عليك ولا يشد عليك مشكلته يحسب الكل يعرف انقليزي

صلوا على النبي للامانه الدكتور من ناحيه الحضور مايدقق مره ، يغيب واجد الدكتور والمشكله مايبلغك قبلها فيه برزنتيشن عليه٢٠ درجه واتوقع اقل طالب اخذ فيه انا اللي هو١٦ لاني ماقدمت البرزنتيشن اساسا ف ماقصر معي الدكتور من هذي الناحيه التصحيح والله اني مدري لاني ما ادري كم اخذت بالميد ولا بالفاينل لكن الدرجه النهائيه اتوقع انه مادفني او دفني شئ قليل مره ماني متاكد للامانه ، التعامل للامانه مدري مره يكون حبيب ومره يكون عصبي ف ماتعرف له بالنهايه ماهو افضل خيار لك ولكن اذا جاك مايعتبر خيار سئ

كلشي حسب المزاج والبرزنتيشن برعاية ظلم

بصراحة الدكتور مقبول ما اقول انه سيء ولا جيد لكنه مقبول ،بالنسبة للمشاركة على الاقل تشارك مرة او مرتين عنده شاركت مرة وحدة انا بس بنهاية الترم كنت بشارك عشان البونص قال انت مشارك التعامل حسب موده مرة حبيب مرة فاصل او يطقطق البرزنتيشن اتمنى يعيد النظر فيه لكن ما ينقصك اقل من ١٥ الحضور والغياب يغيب اكثر من حضوره بس مايعلم انه غايب عموما الدكتور ممتاز الله يجزاه خير نهاية الترم قال الحضور والمشاركة كلكم فل بس مايدف الا الي جاب زين بالفاينل او حضوره ممتاز

اذا بتنزل عنده اعرف انك مرح تفهم شي منه مرح يشرح بيقرا بس وبالعربي يعني مرح تستفيد من الانقليزي شي لكن فيه شي اسطوري وهو اذا انقليزيتك كويسه نزل عنده لانه مرح يقروشك ومحاضرته خفيفه مره نص ساعه ويطلعكم ولازم كل اسبوع يغيب محاضره وحدة مستحيل يحضر اسبوع كامل بأختصار تبي تريح راسك نزل عنده وقالنا بزيد اللي يجيب درجه كويسه بالفاينل او اللي شارك معي مشاركات قريد تعامله مزاجي مرات يفصل ومرات يضحك معك ويقول انه مايحرم بس مدري

مظلوم في التقييم، البرزنتيشن غالبا بتاخذ فوق ١٥، يدف اذا كنت مشاركاتك معه واجد او درجتك بالفاينل عالية.

بالتقديم متساهل مره، اظن اقل واحد ١٧ من ٢٠، يقول بيدف كل احد قريد كامل بس ماني متأكد اذا دف. اذا المحاضرة يوم الاثنين والربوع يلغي المحاضرة القصيرة وما ياخذ وقت المحاضرة كامل

بطل الصراحة ،،، وما قصر معنا ابد ومحاضراته خفيفة

بتكلم بكل موضوعية شرح؟ مادة تعتمد على لغتك لكن لا شرحه موب زين تعامل ؟ مرات يفضل عليك ومرات يصير حبيب تحضير؟ يحضر بداية المحاضر دايماً درجات ؟ فيه معي ناس قالوا دف وفيه ناس قالوا لا، شخصياً باقي لي درجة او درجتين وما دف المشروع كان برزنتيشن وكان شديد مرة نقصني رغم اني كنت ممتاز عشان لغة الجسد ( حطيت يدي في جيبي كم مرة ) بشكل عام موب سيئ ولا زين عادي جداً وبالنسبة لدكاترة نجم ( عادي ) يعتبر زين لان اغلبهم سيئين

بكل اختصار اذا مو مهتم للمادة نزل عنده، يدف بالدرجات على حسب غيابك او درجة الفاينل، البريسنتيشن يعطيك ١٥ درجة والخمسة الباقين يستقعد فيهم.

الدكتور س.يء في التعامل وبعض الأحيان كان يفصل علينا ويطق.طق ويتم.ادى وفيه شوف.ة نفس. الفواصل اللي في نص الكلام عشان لاينحذف تعليقي

في البرزنتيشن اقل واحد عنده ياخذ 17. الدكتور مزاجي. المحاضرة ساعة في الأسبوع. يدفك قريد على كلامه.

صراحة الدكتور مظلووم بالتقييم البريزنتيشن يعطيك اقل شي ١٧ من ٢٠ اذا انت مره سيء ويدف اقل شي قريد وحبيب والمحاضرة ساعتين ياخذ منها نص ساعه

مدري ليش حاطينه دكتور

حط رجلك

انحش منه وسلامتك 👍🏻

اغلب المحاضرات مخليها عن بعد متعاون مع الطلاب رفعني من قريد قريدين

للامانة الدكتور حرفيًا ما شرح ولا شي يخص المادة ، كان يغيب كثير و اذا جاء بس يقول لنا حلّو التمرين الفلاني و هذا مب معكم و هذا معكم إلى آخره… ، تعامله جدًا كويس اذا بغيت منه شي ، بالنسبة للدرجات اعتقد عطانا فل ب اعمال السنة الا المد قال عليكم

الدكتور غريبب مره اللي حبب الناس فيه جاب لنا الميد الثاني والفاينل نسخ لصق من الاختبارات السابقة

مبزوط وتبي الخلاص من المادة وماهمك الدرجات؟ الدكتور توب التوب لك وتحضيره سواليف تبي قريد ؟ انحششششش وعدنا بشي وما اوفى بوعده تعامل متوسط

دكتور سيء جدا يتاخر ولا يدف ويغيب دايم

اغرب دكتور درسني بالجامعه نادر يحضر وان حضر ما يشرح شيء الحسنه الوحيده انه بعطي درجات وانقذني صراحه طلعت معه بقريد حلو مع اني جبت درجه سيءة بالميد بس هو يصلح لطلاب الي مب مهتمين يبي يخلص الماده وبس نزل عنده لانه ما يحضر ولا يشرح ولا بتستفيد منه اي شيء فقط درجات وهذا الي تحتاجه بالماده ذي

المادة تعتمد على الطالب ولغته و الاختبار موحد الدكتور شرحه عادي ويغيب كثير وما يحرم بالإضافة انه يدبل درجتك الأفضل من المدين ويدفك قريد في الفاينل اذا باقيلك درجة او درجتين اذا لغتك زينه فهو مناسب جدا

الدكتور مايحضر دايم وشرحه بسيطط يعني معطي الماده حقها مب زي باقي الدكاتره يحسسك ان الماده من اهم مواد الاعداد ، متعاون ومايطول بالمحاضره يشرح شوي ويطلعكم انصح فيه خصوصا اذا انقليزيتك حلوه

الدكتور حبيب ومتعاون مع الطلاب ولكنه ما يشرح والصراحة المادة ما تستاهل شرح كثير ، كانت محاضراته عن بعد والميد نفس حق السنة الماضية وماقصر معنا ابدًا ، اذا انت انقليزيتك كويسة ولا تهمك محاضرات المادة نزل عنده

درست عنده عن بعد, اشوف من وجهة نظري اذا لغتك كويسة ما تفرق معك مرة من ناحية الدكتور في هذي المادة لأنها بتعلمك كيف تكتب ايميل سواء لشركة او لأعضاء داخل الشركة او سيرة ذاتية او اشياء زيها..المقرر ماهو صعب ولاسهل اذا لغتك كويسة رح تفهمه و ماتحتاج للدكتور كثير اذا لغتك متوسطة إلى اقل يبيلك شوي تشد وشرح الدكتور هو فاهم لكن طريقة ايصال المعلومة يبيله شوي^.الدكتور اخذ معنا محاضرات قليلة كلها من نص إلى 45د فقط.. يتأخر غالبا وماقصر من ناحية الدرجات اذا ماخاب ظني دف اغلب اللي معنا قريد ما ادري اذا بيغير نظامه او لا التحضير احيانا فيه واحيانا لا.. مستوى الاختبارات متوسط..اذا فاهم طرق الكتابة بتسهل جدا

كويس فالدرجات زادنا قريد وغيابه كثير وفالتحضير مايدقق يعني حتى لو غبت وكلمته يتساعد

الدكتور خورافي وحبيب بمعنى الكلمة يليت كل الدكاترة مثله

ما يشرح بس يعطيك الاجابات ويغيب كثير، بس الدرجات ما قصر

المحاضر طارق الهدلق مع احترامي لشخصه ، لكنه لايمت للأكاديمية بأي صلة. المقرر مايشرحه ابد ، والمحاضرات ٣ ارباعها غايب ، والاسلوب سيء، تشارك معه يهاوشك .. تصحيحه وتقييمه سيء جدًا ، أدفر طلاب الهندسة يجيبون عنده B لأنه يغلط بالتصحيح ولا يقدر يتحمل هالمسؤولية السهلة .. عطاني B وانا استاهل A بجداره ، لكن حقي ابخذه يوم الحساب انحش انحش انحش

دكتور زقرتي مهب رسمي ابداً الشرح مامن شرح بالحيل لكن اللي تسأله يساعدك و يعلمك و بالنسبه للتحضير ما عنده مشاكل ابد لكنه راعي غياب ولاهي مشلكة بالنسبه لي و بالنسبة للدرجات كان وضعنا 2 ميد عطانا درجة الافضل ودبلها و عطانا فوقها بونص الصراحه كنت خايف من تقييمات الناس عنه لكن الشباب اجحفو في حقه

حلاته انه يغيب و الباقي الله يعينك عليه

نادر انه يحضر واذا حضر يتأخر 10-15 دقيقة ما تعرف له مره محترم مره نفسيه مايفرق شرح ولا ما شرح كلهم واحد باختصار انحش منه

سييئ ولا انصح بالدراسه عنده

سيء جدا جدا جدا جدا فكل النواحي وندمان ندم شديد اني نزلت عنده نجم ١٠٧ سيء جدا ومانصح فيه ابد ابد

انحححححششششششش انحشششششش انحششششششش انحششششششش نصيحة

شرحه زين, لكن المنسقين يتفقون احياننا انهم يشرحون لطلابهم شي بيجيبونه بالاختبار , هو يسحب عليهم ثم ياكلونها طلابه