محمد المقرن

الدكتور توفى رحمة الله عليه، نسأل الله يرحمه ويسكنه فسيح جناته ويجعل مثواه الجنة.

افضل دكتور يمر عليك في الجامعه جزاه الله خير

مايدف لو درجه

دكتور يجبرك على محبته الله يسعده قمه في الاخلاق و الاحترام يعاملك وكأنك ابنه ويسر بالتعامل الله يكثر من امثاله ، افضل دكتور نزلت عنده سلم ❤️❤️❤️

نزل عنده وابشر بال A بلس , اهم شيء انتبه لا تغيب كثير ترى الظاهر اذا ماعندك اعذار يحرمك

نزل عنده وانت مغمض

الشيخ محمد من صفوة صفوة المشايخ في الجامعة افضل من درسني سلم في الجامعة الله يوفقة ويجزاه خير

وش اقول وش اخلي افضل دكتور ممكن يمر عليك طوال مسيرتك مب الجامعيه بس الدراسيه كامل، ماشاء الله عليه المحاضره تروح وانت تستمتع بحديثه الي كله نصح ومعلومات مفيده، الله يحفظه ويطول بعمره ويبارك بعلمه

على اني ناقص بس لو شفت اسمه بنزل عنده بلا تفكير دكتور اقل مايقال عنه عظيم من ناحية تثقيف ديني وشرح وحبيب وطيب جدًا اقسم بالله ثقفني في ديني وزانت لي امور بالدنيا كل هذا بفضل الله ثم فضله الله يجزاه الجنة يارب وبخصوص الدرجات زود الكل درجة

حفظه الله ورعاه فضيلة شيخنا الدكتور الخلوق محمد المقرن الافضل في جامعة الملك سعود من جميع النواحي ❤️.

اسعده الله وسبحان من رزقه القبول ما شاء الله جزاه الله الف خير وبارك الله في علمه وفي عمله وجهده وسدد خطاه نزلت سلم ١٠٨ دكتور عسل ومرن جدا

فيه افضل

للامانه انا ماعمري قيمت ابدا لكن هذا الدكتور استثناء ،سأظل ادعي له دائما يسر جدا بالتعامل وبتستفيد منه جدا لأن اذا بدا يتكلم لاشعوريا بتركز معه سبحان من وهب فيه القبول الله يبارك له فيه علمه ويوفقه ويسعده ويطول بعمره على طاعته

الله يجزاه خير ويوفقه ويرزقه في الدنيا والآخره شيخنا الدكتور محمد المقرن ما شاء الله تبارك اخلاق عالية جداً ومحاضرات ممتعة جداً أسأل الله العظيم رب العرش العظيم ان يجمعنا وإياه ووالدينا ووالديه ومن يعز علينا وعليه في الفردوس الاعلى يارب العالمين❤️

الله يسعده والله من افضل الدكاتره احتراماً وخلقاً وعلماً

بغض النظر عن التدريس لان الترم توه في بدايته ، اقسم بالله مامر علي دكتور ب اخلاق هذا الدكتور اسأل الله ان يدخله ويدخلنا جناته من اوسع ابوابها اقسم بالله تحس انه ملاك من جمال روحه واخلاقة

الله يسعده

على كثر الدكاتره الي قابلتهم الا ان ذا افضل دكتور شافته عيني احترام وتقدير واختبارات سهلة الله يسعده وين ماراح الي باقي مانزل عنده مدري وش تنتظر ❤️❤️❤️

والله ماقد درست عن دكتور بمثل اخلاق واحترام الدكتور محمد الله يوفقه ويسعده وين ماكان

افضل دكتور اخلاقاً افضل دكتور اسلوباً يجبرك على احترامه وانت مبتسم الله يبيض وجهه والله يرفع قدرك اختياري الاول في جميع مواد السلم

الله يجزاه خير والله انه افضل دكتور مر علي من ناحية الدرجات والتعامل الله يجزاه الجنه

قسم بالله اسطورة ما يتعبك ابد واعمال السنة تنضمن عنده ويعطي تكليف واحد بسيييييط عشان تاخذ ال ١٠ درجات متفهم جدًا واخلااااق الله يجزاه خير ويوفقه ما قصر ابد

ي حظ من عنده

افضل دكتور درست عنده سلم الدكتور حبيب حبييب الله يرزقه الفردوس الأعلى يارب❤️❤️

أخاف أتحدث وأظلمه ! وأخاف أصمت وأظلمه أيضًا! قسم بالله من أفضل الدكاتره الي درسوني لو بقعد ادرس الى ما اوصل بروفيسور سوف يكون من أفضل المحاضرين الذين درسوني .. جعلك الله أنت وعائلتك ومن تُحب في جنان الفردوس الأعلى. عطانا تكليف اكتب بحث عن أي وحدة في الكتاب بسيط ما ياخذ منك ٣ دقايق .. واختبار الميد أسهل من الفاينل بعد 😂 .. عمومًا اذا نزلت عنده ففي أحد داعي لك مين ؟ حاول تستكشفه عاد فمان الله

قوت السلم اسطوره الاساطير الله يسعده ويبيض وجههه اذا نزلت عنده اعرف انك ضامن 50 درجة الاعمال ويبقى لك 50 الفاينل عاد انت وشطارتك بالفاينل

ما مر علي في الجامعة دكتور مثل اخلاقه وحبابته وتفهمه الله يجزاه الجنة يارب نزل ونت مغمض ولا تشيل هم والمقرر اصلاً بديهيات والله يوفقكم جميعاً

من افضل الدكاتره الي درسوني 💚💚

لحد ينزل عنده ابداً ابداً ابداً لأنه عسول🥰 فدوه 🥰 و الصراحه تعامله يجنن وصح انه ياخذ المحاضره من طولها لكن يبرد قلبك بالدعاوي بالمحاضره والله العظيم اني اتوقع كل التوفيق الي صار لي بالترم ذا من وراي دعواته الله يسعده ويوفقه ويزوجه بنت الحلال

الكلام ما يوفيه حقه، هذا الرجل هو أطيب وأطهر شخص قد مر علي بحياتي. يحاول بقد ما يقدر يخلي المادة سهلة جدا بالنسبة لك. الله يوفقه ويسهل له زي ما سهل لنا

ي اخوان هذا مو افضل دكتور مر علي هذا افضل انسان شفته في حياتي والله العظيم كمية احترام وخلق والله ماقد شفته في مخلوق ، ماراح تفهم كلامي وبتحس اني مبالغ في الكلام لكن اذا درست عنده بيوضح مقصدي ، على صعيد الدرجات باقيلي درجه على ال A+ وعطاني اياها الله يوفقه يارب ، والله يرحم من ربوه ويوفقهم ويسعدهم

افضل دكتور بالجامعة محترم ومتعاون جداً الكلام مهمًا كثر ماراح يعطيه حقه المد كان عن بعد من٤٠ و ١٠ درجات تكليف بسيط جداً

الله يوفقك و يسعدك دكتور محمد اعظم دكتور سلم نزل عنده و انت مغمض من أخلاق عاليه ماشاءالله إلى شرح جميل إلى ٥٠ درجه ضامنها الله يجمعنا معه في الفردوس الأعلى فعلا اول مره في مسيرتي الجامعيه ألاقي دكتور في مثل هذي الأخلاق ماشاءالله عسل يعلم الله اني ادعي له في صلواتي ❤️❤️❤️

انا اشوف التقييم ظالمه المفروض ١٠٠، افضل دكتور مر علي، اسلوبه يجبرك تحترمه و يتفهم الطالب و يسهل عليه ويشوف الانسب له . عطانا ميد عن بعد من ٤٠ درجة و تكليف بسيط يطلب منك انك ترسله بس، هذي فل بالفصلي باقي الفاينل عليك واظن انه دف او سوا ابقريد لكن عموما الافضل ❤️🫡

والله يعجز اللسان في المدح الواحد يخاف يمدح و ما يكفي المدح والثناء الله الله يجزاه خير الجزاء اعظم دكتور مر علي

اقسم بالله اطلق دكتور بالجامعة اتعب وانا امدحه

اقسم بالله انه اعظم دكتور بتاريخ جامعات المملكة العربية السعودية

دكتور الصراحه يجبرك تحترمه ويعلمك الاشياء الصح وينصحك في حياتك حتى وقت محاضرته يوقفها نصلي ونرجع بعدها ويتفهم اي طالب عنده مشكلة ويقول اهم شي والديكم دكتور الله يوفقه وين ما راح ما بننساه من دعانا له نصيحه نزلو عنده

الله يسعدة اقسم بالله دكتور ماعمري شفت مثلة 💙

انا قيمته قبل كم تعليق وقلت في الفاينل انت وضميرك وكنت وقتها شفت التسريب كان مجموعي 93 يعني A يوم نزل القريد الدكتور رفعني ل A+ والله يالدكتور ذا شيخ ولد شيخ حتا وانت ناقص في الفاينل مايخليك الله يعزه

الدكتور ممتاز لكن فيه شيء ماعجبني فيه .. ما خلانا نقابله ونحب راسه 💔 أنت اذا درست عنده قسم بالله بتستحي على نفسك وتصير رجال وتذاكر زين مب عشانك الا عشان الدكتور الشيخ والله أنه نعمه من الله الحمدلله يارب انه سعودي الحمدلله 🙌🏼🇸🇦

الافضل

افضل دكتور سلم مر علي الله يسعده يارب

افضل دكتور سلم في الجامعة

الي تحت تحتي، لا تسأل عن الدكتور ولا راح نعلمك .. يارجل هذا لو يكرفك بتكاليف بتسويها وأنت راضي، قامة علمية وأخلاقية لا تسأل عن شيء احمد ربك واسكت

معليش تسرعت وما قريت اللي تحت ;)

لا تمدحون الدكتور وبس، علمونا تقسيمه للدرجات واهم الاشياء عنه

انتبه تغيب ترا يحرم

بأختصار كلاسه عباره عن جلسة علاج نفسي كل اسبوع ساعتين من احلى الساعات تدخل كلاسه مكروف من الجامعه تطلع من كلاسة وانت نفسيتك حلوه وعن بعد

د.محمد أقسم بالله قامة في الأخلاق وفي العلم الله يسعده ومدرسة الله يحفظه كل مره يعطينا محاضره يخلينا نستمتع فيها ونستفيد فيها ونتعلم فيها ولا قصر معنا ابدا فالتحضير والدرجات الله يسعده دنيا واخره

دكتور عسسسسل والله في حياتي ماشفت لا دكتور ولا مدرس زي كذا ياخي اخلاق و تعامل و يرد على ايميل و اي شي تبيه يسويه لك و اختبار بسيط و سهل و تكليف اقسم بالله يضحك تسويه و انت في السيارة 😂 الله يسعده و يوفقه ياربببب و في الفاينل متاكد اني ناقص و زودني الوحش

الله يسعده ما قصر معنى الميدات صح وخطأ الفاينل جاب مقالي بس واضح جداً وكثير طلاب جابوا العيد في الفاينل ودفهم دف ،، دكتور عسل ما يخلي المحاضرة كلها شرح الي يبي A+ ينزل عنده صدقني م راح تندم

من افضل دكاترة جامعة سعود من ناحية التعامل راقي و مؤدب و يعاملك زي اخوه و في الاختبارات و الدرجات ما قصر معنا نصيحة لازم تنزل عنده

اقسم بالله اللي ماينزل عنده غلطان والله العظيم اطلق واقوا وافضل واحسن دكتور في تاريخ جامعة الملك سعود واتحدى احد يجي احسن منه او بنفس طيبته عسل طريقته عسل عسل اختبار شهري صح وخطاء واضحه جدًا جدًا وتكليف سهل جدًا من ٢٠ درجة تجمع له فتاوى بملف وترسلها ومبروك عليك فل نزلت الاسرة في الاسلام