عبدالمجيد الشميمري

هالرجال اسطوره اسطوره اسطوره وتراك محظووووظ فيه وخصوصاً اذا عرفك تراه يحب اللي يتجاوب معه وخل نفسك خفيفه انت لاتقعد تسأل اسئله غبيه يعني شفني اشارك شبابي ورهيب واسطوره

يعجز الكلام عن وصفه الله يسعده دنيا واخره

الله يوفقه ويسعده

الله يسعده هذا اللي بقوله

خلاصة الكلام، رجال من كل النواحي كفو والله يجزاه بالجنة

اسطورتي، ما توقعت بحصل دكتور في قسم الفيزياء كويس بس غيّر نظرتي والله، تعامل وذرابه وحبيب ويعطيك وقت لتسليم التكاليف ويراعيك، وشرحه مميز والله لو ركزت معه بتفهم التجربة

اغلب حقين العملي كويسين اظن انه المسؤول عموما حبيب بشكل وكأنه خويك ويبسط لك المادة ويخلص المحاضرة بدري وبتاخذ فل بالتجارب يعني حرفيا تاريخي ويمدي تحضر مع شعبة غير شعبتك طبعا درست عنده قبل سنة ولكن جاي اقول شي تراه بالفاينل يسوي مجنون يعني عصبي وكذا وهو حبيب الزبدة بالفاينل صعب يساعدك اذا تبيه يساعدك خلك ل اخر الوقت وبس والله

الله يجزاه الخير ويبارك فيه، نزل عنده وانت مغمض باختصار. ممتاز من كل النواحي، شرح، تحضير، دف طيب، وتعامله معاك كانه فعلا جاي يعلمك المفيد وما يزود عليك، ينبه على اخطاء الطلاب السابقة وتنبيهه في محله فعلا، يخلص بدري واذا تبي شي موجود في مكتبه او ايميل و يرد عليك.

خفف علينا العملي الله يسعده وما يدقق أبدا . نص ساعه يشرح وتحل فيها وتطلع ويلغي محاضرة اي تجربة موب داخله معكم وما يكثر كلام عن النظريات والسواليف ذي لانك المفروض ماخذها مع الدكتور المحاضر .

أفضل دكتور عملي للفيز شرحه واضح ودائمًا يحذرنا من أخطاء الطلاب وتحذيراته في محلها وسيع صدر ويتعاون مع شعبته دائمًا في الغياب وغيره

التقييم يكفي

افضل دكتور عملي + المحاضره تاخذها بنص ساعه وتطلع + تصحيحه حلو درجات شعبتنا الافرج مره مرتفع+ لكن مهب عشانه جامد تحسب انه خويك فما تذاكر تراه يعطيك حقك وزود شوي فساعده انت عشان يساعدك+ مهب من النوع اللي لازم يعرف اسمك ولا يعرفك، انا ما كان يعرفني وكان يعاملني زي ما يعامل اللي يسولفون عنده كل يوم

دكتور اسطورة والي يعجبك فيه انه يشرح لك واحد

انت محظوظ لو جاك

الله يسعده انسان رائع يبي مصلحتك أولًا و أخيرًا، متساهل جدًا والكلاس كان ساعتين لكن إن كثرت بياخذ ساعة ونص، وأهم شيء عنده يساعدك تأخذ كل درجات المادة، والتحضير متساهل فيه، مبروك إذا جاك

معيد فيز، الله يسعده ويوفقه عسل عسل عسل، أحمد ربك إذا جاك كل شيء ممتاز فيه شرح أو تحضير أو درجات والتعامل جدًا رائع الله يوفقه

الدكتور حبيييب واسطووورة العملي اذا نزل لك اسجد شكر يخلي العملي متعة الله يوفقه

افضل محاضر عملي فيز ( مع ان البقية كلهم ممتازين ) لكن اللي يميز الشميمري انه متساهل وحبيب جدا من ناحية التحضير، بالاضافة الى ان شرحه ممتاز وتصحيحه اسطوري.

الدكتور اللي تتمنى يدرسك لين تتخرج حرفياً وسيع صدر وحبيب ويشرح لك لو مليون مره وعادي ولا يتضايق ويسهل عليك التجارب ويعلمك كل شي والتحضير م عنده مشكله فيه يحضرك بأي وقت بس تعال وسو التجربه ولو عندك شغل عادي تسويه بالبيت وتوريه بعدين بتطلع من عنده فاهم كل التجارب وانت مبسوط معه ومرتاح صدق اذا قدرت تنزل عنده ما راح تندم ابداً وبتدور اي ماده يدرسها عشان يدرسك مره ثانيه

رااااائع جدا ، اخلاق ، شرح ، ودرجات ، كل شي ممتاز

محاضر شاب اول ما تشوفه تحسبه طالب لكنه حبيييييييب مره ومجتهد فالشرح يحاول يفهمك باي طريقة وخدوم ويقدر ويراعي ظروف الطلاب كويس كويس

افضل معيد

دكتور تعامله رايق ومتفهم جدا ، وم يقصر معك .

معيد ممتاز امانة

درسني فيز ١٠٣ عملي، أسطوري بكل ما تعنيه الكلمة، متعاون وحبيب جداً الله يسعده ما قصر معنا ❤️، اذا نزل لك العملي عنده انت محظوظ.

اسطورة

اخذت المادة عنده في ترم كورونا والرجل احقاقًا للحق كان متفهم جدًا للأوضاع. الدكتور بكل حق وحقيقة يبي مصلحتك اولًا واخيرًا، مستعد انه يشرح لك كل شيء مرة ثانية اذا تأخرت عنده، واذا تأخرت عنده حتى ما يسألك ليه متأخر يحضرك علطول. الكلاس ساعتين في اغلب التجارب ياخذ ساعة بس وما قد كمل ساعتين ابد.

اسطورتين

الدكتور درسني كأول ترم له، صراحه قمه في الأخلاق و التيسير تحسه يبيك تستفيد و تستعد للاختبار ، بخصوص الشرح مثل ما قلت هو اول تمر له يدرس كان شرحه حلو بس تحسه مو متعود على طريقة التدرس بس شرحه حلو و يكفي للمادة اذا سألته بيعلمك اشياء (طرق)ماهي في المقرر و تسهل عليك عملية الحل مره ، و بخصوص الدرجات لا تشيل هم ، و التحضير ولا احلى، الله يعطيه الف خير و عافيه و الله يوفقه في مسيرته في التعليم .

افضل معيد

واضح ويعطيك الزبده واذا خلصت بدري يطلعك وزيادة على كذا اخلاق.

اسطوره

درست عنده فيز ١٠١ عملي، من افضل اللي درست عندهم بدون مبالغه اسطوره بكل ما تعنيه الكلمه من ناحية تحضير وشرح ودرجات ومتساعد مع الطلاب باللي يقدر عليه .

حبيب ومتعاون جدددداً ، تسأله عن التجارب مره ومرتين وثلاثه ويجاوبك بنفس حلوه الله يسعده دنيا واخره