عبدالله السديس

ماخذ المادة من سنتين وجا على بالي وبس اقول الله يجعل اثنين جابوك بالجنة

لو في ميزة تفرقه عن غيره هي انه بالغالب يفلل الكلاس وورك+ يكنسل محاضرات ايام المدات المادة مادة تدريب ف ما راح يفرق الشرح واجد المحاظره ثلاث ارباعها تروح سواليف عالفاضي وتكون مجبور تسمع لسواليفه لانك لو تفتح الجوال بيسفل فيك ولازم تبدا تحل وتدرب مع نفسك لانه يبطي ويتاخر ما يبدا معكم وبيجي الميد وانت مو فاهم شيء عموما اغلب دكاترة المادة ذي ماش وهو يعتبر افضلهم

جعل من جابة في جنات النعيم افضل من درسني بتاريخي الجامعي انسان رائع يحببك في الماده ويسهلها لك ماكان يطلع من كلاس الاوتوكاد لين يتأكد ان الكل فاهم ومحد عنده سؤاله حتى لو يتأخر ساعتين ثلاث ، على مستوى الدرجات هو مابيده شي الا درجات الكلاس وورك وصدقني سلّمها بس في وقتها حتى لو فيها اخطاء وبيفللك بالنسبه ل وقت الاختبار كان يجي لين عندك ويساعد ويفهم ويلّمح موب مقصر معكم ابداً

اتوقع الدكتور الوحيد الي ماسك ذا المقرر وتقدر تجيب A+ مع بذل جهد مقبول اذا انت تسوي الكلاس وورك بنفسك ثم تشوف الحل من التيليقرام وتصحح اخطائك + تتمرن برسمه او رسمتين قبل كل اختبار بتجيب الA+ بالنسبه لشخصية الدكتور ما اتوقع بتشوف مثله بمسيرتك الجامعيه، اعتبر نفسك محظوظ وحاول تستفيد منه الدكتور قمه فالاخلاق ويحب يساعد الطلاب واذا تبي تصيد جوه افتح موضوع عن الطيارات تراه نيرد طيران هههه اهم شي لاتستهين بالماده اذا شفت نفسك ضعيف فيها كثف التدريب واسال الدكتور لا تحذف لان صعب تنزل عنده والباقين ماش

تبي سواليف و وسع صدر خذ رجال لكن فالاختبارات والدف بيخذلك والله و كل الترم يطمنك انه بيدف ويساعد و و و … بالنهاية بيسحب عليكم شخصيا اعرف اربعه كنا دايم نروح له و نحل اشياء اضافية و باختصار استدفرنا عنده عشان يدفنا و فالاخير درجه مادف ومن الحين نصيحتي لك المحاضرات الاضافيه لاتحضرها لانك بتضيع وقتك ومابتستفيد بس ب يوترك

درست عنده مرتين، الرجال محترم وذرب جداً ومن الناس الي يفيدونك في غير المادة ذي، وبالنسبة للشرح فهو الافضل في هذا المقرر و حريص جداً عليك كطالب ولكن لازم تجتهد معه، وبالنسبة للدف فهو قال من هو يبيضها في الفاينل له معامله خاصه جداً و فعلا هذا الي حصل لي دخلت الفاينل والـA+ قد طارت ولكن دفني ممكن درجتين او ثلاث، يسترسل بالسواليف ولازم واحد نبيه وذرب يرجعه للشرح

السديس من افضل الدكتاترة بكلية الهندسة وافضل من تنزل عنده هذي المادة، الطلاب اللي يقولون انه منفوخ او يتكلمون عنه سلبا غالبا كانوا يحسبون انهم بمجرد حضورهم لكلاسه راح يحترفون المادة ويفللونها بدون تعب فقط لانه منزل عند "السديس" وهذا غلط والمشكلة فيه هو لانه ما اجتهد واتكّل بشكل كامل على الدكتور، الدكتور اخلاق وشرحه يبسط المادة ودائمًا يكسر رتم المحاضرة بحكاية او نكته ونادر ما تمل بمحاضرته، العائق الوحيد اللي بتواجهه هو واجباته كثير وهذا بمصلحتك، واذا سلمت اول باول اعتبر الكلاس وورك فل عندك

ما ادري ليش ما اعجب الطلاب، يمكن عشانهم ما حبوا المادة فكرهوا كل شيء يخص ذي المادة، بس نجي للحق، الدكتور اسطوري وافضل من درسني في الجامعة، والى يومك ذا اجي الين عنده واسلم عليه، محترم واخلاقه عالية ويهتم انك تكون فاهم، ويعطي فل للجميع في الكلاس وورك، واذا كنت خايف انه يدرسك او لا لأنه يمكن ما يعجبك، على الاقل هو افضل الموجودين، اعيد واكرر تراه دكتور رائع على المستوى المهني والشخصي. وفي الاوتوكاد بيجي لين عندك عشان تسلم الكلاس وورك وما يطلع الا بعد المحاضرة بساعة لأنه يمر على كل طالب ويساعدهم.

م ن ف و خ

دكتور ممتاز، الافضل فيه الشرح يعتمد على انك تفهم صح وتتخيل بشكل جيد افضل من دكتاره الباقين بحكم ما سمعت، يعطيك الكلاس وورك درجته كامله بشرط انك تسلم وما تغيب، مرن ومتعاون الدف ما فيه دف يا كود درجتين ممكن للقريد الى بعده، دكتور بطل وسلامتك

احذر معسول اللسان احذر معسول اللسان إحذر معسول اللسان اللهم اني قد بلغت اللهم فاشهد

هذا إذا مو افضل دكتور بيمر عليك بحياتك الجامعية أنا م افهم تاريخي تبيها أخلاق تبيها شرح تبيها سعة صدر تبيها من أي ناحية بتلقاها بذا الدكتور حبيب الله يجزاه خير ويوفقه

شف اذا انت انسان حاب تفهم المادة نزل عنده لان هاذي الاجابية الوحيده الي شفته فيه شرحه رهيب ويفهمك من ناحية تحضير بداية الترم كان مرن وسط الترم لو تاخرت عنه ٦ دقايق غيابك من ناحية الاحترام هو مايغلط عليك لاكنه مزاجي اغلب الاوقت كويس ومرات يزبد شوي

ياحظك اذا جاك ❤️

والله يعجز اللسان عن وصف هذا الرجل اخلاق وتعامل وعلم ومعرفة واسلوب شرح ومهارة توصيل معلومة عالية جداً ومتواضع فقط يحتاج منك انك تحترمه وراح تلقى تعامل ممتاز منه دكتور صراحه متكامل وكل طلابه يحبونه الله يوفقه ويسعده وين ماراح

تقييمي هذا قبل ماينزل القريد عشان ماكون متحيز نهائيا، تسجيلك عند الدكتور عبدالله مو بس بيفيدك بالرسم بيفيدك برحلتك الدراسيه الهندسيه كلها، تغير مفهومي عن الهندسة بنسبة كبيره بيعلمك صدق انت شقاعد تسوي وكيف تفكر. الماده الترم الماضي كرهتني بالجامعه وحذفتها وكانت كابوس لكن الان من امتع المواد ( بعيدا عن اختبارات القسم الصعبه شوي )، الدكتور يشرحلك صح بيفهمك اساس الرسم وليش تسوي كذا وكيف تسويه، مو بس ترسم وانت مو فاهم وهذا اسلوب باقي المحاضرين للاسف. يتبع نصيحتي للمادة التقييم الجاي..

دكتور عبدالله السديس ، يعجز لساني عن ذكر حسنات هذا الرجل ،، بخصوص المدح فيه كثير سبقوني والرجال يستاهل ، اقدر اقول انه افضل دكتور بالعالم واراهن عليه ، الدكتور هذا يبي رجال بالقاعه مايبي طلاب ، والله كلمه شكرا ما توفي حق الدكتور ، اذا جاك احمد الله كل يوم ، من ناحيه زياده درجات ما يزيد لانه يخاف يظلم احد ، اما من شرح الماده فهو بيشرح لك حبه حبه الين تصير من افضل الطلاب بذي الماده

دكتور اخلاق وشرحه اسطوري بالرسم. ويعطيك مهله بتسليم الكلاس وورك + لو عرفك انك ملتزم بالحضور والتسليم بيتساهل معك اكثر.

مهندس جيد في مادة الرسم ما هو زي ما يقولون والتطبيل ولا هو موب زين اعتقد يمكن افضل الموجودين ، ميزته يفلل الكلاسورك طالما انت تسلم بس ما يعطيك ملاحظات واغلاطك وممك يأثر سلبا بالاختبارات ويجيني شعور تعامله يختلف من طالب لطالب ولا اعرف وعقب الميد الشرح يبدأ يكون اقل جودة الصدق يعني ال3d ما كان افضل شيء بس بالمجمل دكتور زين

شيخ قوم(ن) ينطح لحاله سريه

معيد جيد يفلل الكلاس وورك غالبًا، شرحه جيد في توصيل المعلومة، أفضل نسخة له قبل الميد الأول، بعد الميد الأول إلى الفاينل يتغير التعامل حتى لو درجاتك كويسة، يصير متحيز لطلاب معينين بالشعبة، ولو يسأل واحد منهم سؤال ويسأل نفس السؤال طالب آخر طريقة الاجابة بتختلف تمامًا في التوصيل ورحابة الصدر، اتمنى يساوي التعامل ويخلي صدره رحب في استقبال الأسئلة -من الجميع-. خيار وحيد بالرسم

نكبه

اخلاق لكن كدرجات مب كويس

ممتاز بتصحيح الكلاسورك وجدا متعاون مع الطلاب وشرحه ممتاز بس انت ركز معه وعط الماده حقها وتدرب وبتضمن A

تصحيح دقييييق

الله يوفقه ويسعده صحيح اختباراته كانت صعبه بس ماقصر ابد اعطانا كويز تعويضي ومحاضرات اضافيه ( اختياريه) وماقصر ابد وفعلياً يغنيك عن اي مصدر ثاني

الكلاس وورك عنده تقريبا فل ومرن بتعويض الغياب ويسوي محاضرات زياده اشوفه افضل خيار اذا بتعتمد على نفسك بالتدريب

شخص لن تنساه بمسيرتك بالجامعة، لو كل الدكاترة مثله جامعة الملك سعود ستكون من أفضل جامعات العالم.

قووت رجال افضل واحد يشرح المادة، وتعامل وخلوق الله يوفقه.

الكلاس وورك عنده تقريبا فل ومرن بتعويض الغياب ويسوي محاضرات زياده اشوفه افضل خيار اذا بتعتمد على نفسك بالتدريب ويعطي رسمة بونص

تعجز الكلمات عن الوصف

لَقد زدتَ هذا الدَّهر حُسناً وَ هَيبَةً كَأنَّكَ في صَدرِ الزَّمانِ نِجادُ فَلَو صَوّر اللّه البَريّة وَاحداً لَصوَّرهُم جِسماً وَ أَنت فُؤادُ

إذا جاك احمد ربك وإنك قدرت تجي عنده هو افضل واحد بالهعم 104 شرحه ممتاز واموره طيبه شد حيلك معه خله يعرفك انك طالب كويس + تمرن كثير يعني غير الكلاس وورك تمرن لحالك وشد حيلك وبإذن الله بتجيب قريد كويس

مهندس بكل تفاصيله اخلاق وشرح و عدم بخل بالمعلومه وعنده علم بجميع تفاصيل التخصص هذا الانسان نادر الله يسخره لعباده ويكتب اجره شكرا لك يا م.عبدالله

أفضل دكتور تنزل عنده المادة اذا تبي تفهم وتتمرن مع نفسك يمديك تطلع بدرجة عالية، لكن لو ما تتدرب مع نفسك للأسف بتنقص بالاختبارات لأنه ما يوريك تصحيح الأعمال الصفيّة الا اذا رحت له.

🐐

افضل دكتور ممكن تنزل عنده الماده صراحه بيعطيك فل عالكلاس وورك ويعلمك اغلاطك عشان تتحسن ، يعطيك مهله طويله للكلاس وورك اسبوع كامل ولو غبت عن محاضره يتفهم ومايخصم عليك بشرط انك تعطيه الكلاس وورك حق المحاضرة ومن ناحيه تعامل افضل دكتور مر علي بالجامعة حليل ومحاضرته ممتعه ولو ناقصك درجه او درجتين عالقريد اعتقد بيدفك

شف والله ببالي كلام كثير بس ما يحتاج ابربر الدكتور هو افضل دكتور للمادة ذي ويسوى انك تحوس جدولك عشان تنزلها عنده وبس والله

إذا نزلوك عنده اعرف إن أمك وأبوك داعيين لك

دكتور عبدالله من افضل اذا ما كان الافضل في مسيرتي الدراسية بدون مبالغة قمة في الاخلاق و التواضع اسلوبه مرح وجميل ويتفهم التأخير لا تترد تسأله او تستفسره عن اي حاجة تخص الجامعة غير نظرتي للمادة و حببني فيها بالنسبة للدرجات قال لنا اذا نقصت بالتجميع و لاحظ تحسن بمستواك خلال الفصل بيساعدك انا كنت ناقص بالتجميع وبدعت بالنهائي وفعلاً ماقصر معي ودفني قريد الله يوفقه وين ما كان ويفتح عليه ❤️

قمة الاخلاق يشرح بذمة وضمير ماعنده مشكلة يقعد معك لين العشاء عشان تفهم من الدكاترة النادرين الي يتحمل مسؤولية التعليم فعلا

من افضل الدكاترة اللي درست عندهم قمة في الاخلاق الكلاس حقه كان يمر بدون م احس وكان متعاون عادي يقعد معك الى ١٠ بالليل بس اهم شي تفهم وبالنسبة للكلاس وورك اتوقع عطانا كلنا فل فيه الله يوفقه ويسعده والله ماقصر ابداً

افضل دكتور للمقرر هذا اذا نزلك احمد ربك

الافضل بالجامعة اخلاق و تعامل واذا جاك احمد ربك واهم شي لا تغيب عنده حتى لو عندك اختبار لان ترا بيسنعك بالنهاية و سلم كل كلاس وورك وتضمن فل باذن الله فيها

اعتقد انه افضل خيار ممكن لهذي المادة.

يعجز اللسان عن الوصف

ياجماعة متخيلين انه مسوي محاضرات اضافيه لمادة الفلويد وهو اصلا خير شر مايدرسها قسم بالله يعجز اللسان عن وصفه عظمه ما شاء الله

شرح اسطوري ومتفهم بشكل مب طبيعي اهم شي لا تغيب عنده وابشر بالخير وما يقصر مع طلابه ما عنده مشكلة يقعد ساعة ساعتين زيادة عشان تفهم وقبل الاختبارات يصعب التكاليف وما ينقصك فيها عشان تدرب عليها قبل الاختبارات

الدكتور رجل بمعنى الكلمة يفهم بذمة وضمير ويتكي معك لليل الى ان تستوعب المادة + اخلاق عالية تدرس واحترام ويهتم للشرح جدا ووسيع صدر ويدف بالكلاس وورك

يغنيك عن دكتورك يستاهل راتبه باختصار

لاتتامل تجيب فل عنده لانه مستحيل اما من ناحيه شرح شرحه اسطوري ودايما تجي اسئلة نفس الاسئلة الي يشرحها

شوي شديد بالتصحيح ولازم يعلمك انه كان اقوى طالب

شرحه وسط و كويزاته فيها أفكار محد اخذ فل

🐐🐐

تعامل ممتاز ويعطيك حقك مايزيد واذا غبت عنده بيخصم عليك في الكلاس وورك وتصحيحه يتساهل في الكلاس وورك و يقعد بالمحاضرة الى يسلم اخر واحد لو يجلس ساعتين يفهمك ويساعدك اذا بتنزل رسم وكان الدكتور يدرس رسم لان في العاده مايدرس الماده هذي حاول تنزل عنده ولاتغيب

شرح زينه وكنت استفيد منه بعض الاحيان اكثر من الدكتور لكنه مشهور بإن كويزاته نااار غالبا تكون فوق مستوى المدات وغالباً تكون قبل الميد صحيح بتنشق لكن تفتح مخك على كم شغله تكون غافل عنه, الكويزات ياخذ افضل ثنين مدري ثلاثة يعني يعطي واحد زيادة ونفس الشيء بالكلاس وورك.

( ا ن ح ش )

شرحه كويس، بس السواليف الجانبية أكثر من الشرح كويزاته صعبة أهم شي عنده لا تغش ولا تلمس الربل

تقدر تعتمد عليه اكثر من الدكتور وتروح له المكتب في اي وقت يكون متواجد ويشرح شرح اكثر من ممتاز البعض مايفضل يدرس عنده بسبب الكويزات والي غالبا تكون من متوسطة الى صعبة اما الدرجات راح تاخذ حقك بالضبط افضل معيد شرحًا واخلاقا ممكن يمر عليك. انصح به

اسوأ معيد ممكن يمر عليك في حيااتك الجامعيه كويزات صعبه جدا ومستحيل احد يحله يخسف بالدرجات لدرجة ولا واحد في الفصل أخذ درجه كامله بسبب تشديده الزايد