ايمن بن عميرة

لو مافيه إلا هو خذ عنده بس يعني فيه كذا دكتور أفضل منه فالقسم شرحه جيد ولو أن خطه مخيس مرة بس بتتعود عليه مع الوقت من ناحية التصحيح ما راح يمشي لك أكثر من اللازم بس عادي ما يحرص أنها تكون نفس طريقة حله دام حلك صح بيمشيها ويدفك درجتين ولا حولها لو كان باقي لك شوي عالقريد للأسف يعيبه اسلوبه وقح نوعًا ما

لا تاخذ عنده نصيحة نكبنا بهالمادة الله يهديه بس لا حنا فاهمين ولا هو فاهم الحمد لله جعله معد يدرسني

شديد و لايحترم الطلاب يكلمك بأسلوب وصخ مره ما يراعي ظلمني في التصحيح أنا وكم طالب ويكره تناقشه حتى لو انه ظالمك تروح مكتبه يفصل عليك

بالنسبة لشرحه كان ممتاز، كنت معتمد عليه بشكل أساسي هو ومذكرة مالك، طريقته يركز على حل الاختبارات السابقة تصحيحه من وجهة نظري كويس، يتقبل طرق الحل الأخرى ما دام أنها صح، وميزته يجبر النص لكل اختبار تعامله بشكل عام كويس، لكن عليه فصلات أحيانا بما أنه محاضراتي كانت الساعة 8 كان يتغاضى عن التأخير لكن بالمعقول

افضل دكاترة 151 من وجهة نظري , الباقين اغلبهم يدققون بشكل موب طبيعي ف طرق الحل والخ عموما بن عميرة من ناحية الشرح عادي موب افضل شي وموب شين التحضير الصدق ما غاب ولا محاضرة من بداية الترم ويسمح ب التاخير تقريبا 10 دقايق بس , من ناحية تصحيح اي سوال ما تعرف حله ارم اي شي اكتب اي شي تراه يعطي انصاص عليها , ما دفني الصدق بس تصحيحه للميد الاول كان جيد

دكتور عادي حرفيا مافيه شيء مميز ولا شيء يخليه ماهو كويس. التحضير: طبيعي جدا عندك اول 15 دقيقة من بداية المحاضرة. الشرح: حرفيا عادي اذا ركزت تقدر تفهم منه، عيبه بس الخط تعبان. التصحيح: طبيعي جدا يعطيك حقك مايزيد ولا ينقص، ولا يطالب بطريقة معينة مثل بعض الدكاترة، اهم شيء حل صحيح. بس اذا اعطاك الدرجة لا تناقشه لانه بيفصل عليك.

أشوفه أفضل دكتور نظري لل151 الشرح جيد بس مشكلته خطه بعض المرات ماتفهم عليه بالاختبارات اشوف ناس يقولون انه دقيق بس زيادة بس مالاحظت ابد، يعطيك حقك ومايطلب حل متكامل بس يبي حل صحيح ونهاية الترم يقول اللي ناقصة درجتين عالقريد بيزيده الله يوفقه

دكتور اخلاقة جميلة والتصحيح في الميدات لو تجلس تهبد في سؤال منت متأكد منه تاخذ جزء من الدرجة. لكن سمعت انه كان فيه اخطاء في التصحيح عند البعض وصححها لهم بعد ما راجعوه. قبل اي من الميدين يعطيكم محاضرة كاملة لحل اختبار سابق، وبعد الميدين محاضرة فقط لتسليم اوراق الاختبار ومراجعتها. مشكلة الدكتور التحضير من اول يوم إلى آخر يوم في الترم بيقعد في حلقك لدرجة تجي من بيتك عشان محاضرته هو فقط

عادي جدا، ويعطيك حقك، ولو بينك وبين القريد درجه احلم يزودك، وهذا اذا مادفك لورا اصلا، اما عن تصحيحه ماش الصدق بالميد الأول عندي غلط بالسؤال والنصف الثاني من السؤال صح وعطاني ٠ وعموما قدر الله ما شاء وفعل والله يوفقه يارب

شرحه ماناسبني للامانه وخلاني استصعب المادة عشان تستفيد من محاضرته حاول تتابع مقاطع الحجاج او كيمبرلي قبل المحاضره عشان تستفيد وتختصر وقت بالمذاكرة

كشرح شرحه اقل من عادي الصدق والتحضير تراه يحضر حتى بيوم الاختبار يعني مايمشي ، ولكن ميزته الصدق تصحيحه حلو وهو اصلا من نوع الدكاترة الي يختصرون بالحل مقارنة مع باقي الدكاترة بالاخير المادة ذي تحتاج انك تفهم وتحل مذكرة مالك ومبروك عليك الاختبار

دكتور عادي في كل النواحي يعني ما تقدر تقول عنه جيد او سيء من نحاية شرح يميزه انه يجيب لك اسئلة تحميعات بس السلبية خطه مب واضح + يحل بسرعة ما يمديك تركز وش سوا، من ناحية تحضير جانا اول اسبوع قال انه مب محضر اخرتها خضر ، من ناحية اختبارات يعطيك حقك ما يزيد ولا ينقص ، الي سهل هذي المادة الدكتور مالك الصدق

الدكتور شرحه ممتاز لكن مرات يكون سريع شوي و ما عنده مشكلة يعيد شرح نقطة اذا سالت. تعاملة كويس ما كان يعصب ابد ولا يغلط. من ناحية التصحيح يده خفيف و اذا ناقصك درجتين على القريد بيدفك. يحضر نهاية المحاضره لكن اذا اتاخرت كثير بيغيبك

الدكتور هذا شرحه رهيب الصدق ما يحتاج تشترك دورة، ممكن مرات يسرع بالذات بشابتر 3. تعامله حرفيا مزاجي مرات يعاملكم كانكم عياله و يبتسم ومرات يتكبر عليكم و يفصل، مرة كان يشرح بمحاضرة بعد الميد وحرفيا بنص الشرح فصل وجاب طاري حل احد الطلاب و نقد عليه. تصحيحه رهيب بعد ميزته انه يجبر الانصاص بكل اختبار يعني لو جبت 24.5 في الميد الاول و الثاني كانك جبت فل مارك في كلهم. و اياني واياك تسأله سؤال او تتأخر لانه بيعاملك معاملة السربوت وولا كأنك شاد حيلك بمادته

اتوقع انه افضل خيار في ١٥١ كتصحيح . شرحه عباره عن حل اختبارات سابقه الصدق أسلوب جميل . تصحيحه مزاجي جدا جدا عادي يخفف يده في ميد الاول والثاني يثقلها والعكس .

شرحه سريع وما ينفهم لازم مصدر ثاني زي مالك عشان تفهم وخط كتابته صغيير لازم تجلس قدام وتجي بدري, التحضير مزاجي اول اسبوع قال ما فيه تحضير وغابوا الاغلبية وحضر غياب 3 ساعات للكثير وعذره انه الادارة شددوا عليهم بالتحضير, كان يقدر يرسل ايميل انه بيحضر ونجتنب الغياب اللي ماله داعي ويحضر ايضا بنفس يوم الميد لكن محاضرة يوم الميد مفيدة للمراجعة يعيد على بعض الاشياء المهمة اذا فهمتوا قصدي تعامله غريب صراحة تحسه شايف نفسه شوي

يشبه كراش

اغلب دكاترة ١٥١ كارثة تصحيحهم هو اهون واحد اذا جاك لا تغيره

اذا حضرت كل المحاضرات ماتحتاج مصدر خارجي شرحه جامد ويحل كمية اسئلة على كل درس من اختبارات سابقة او من اسئلة السلايدات، اللي عليك اهتم في تصوير السبورة لكل الدروس والاسئلة وفي الاختبارات تذاكر منها وتحل الاسئلة اللي حلها ومبروك الA+

الشرح رائع جدا جدا يمكن سلبيته الوحيدة انه سريع شوي لكن اذا سألته يوقف ويشرح لك التعامل للاسف اذا انت تسأل كثير لازم تتحمل احيانا يفصل عليك شوي، لكن مع ذلك يجاوب على السؤال الدرجات الحقيقة للاسف منب راضي عنها تصحيحه يعتبر دقيق شوي فتحتاج تفصّل في الحل شوي ولازم يكون صحيح، لان لو خطوة واحدة خاطئة بيحسب لك باقي الخطوات اللي بعدها خاطئة غالبا التحضير جيد، غالبا يتأخر عن المحاضرة 5 دقايق، لكن لازم تجي انت بعد 15 - 20 دقيقة حتى ما يحسبك غائب، الحقيقة افضل انك تجي من البداية لان شرحه رائع ومفهوم

قمامه الميد الاول تصحيحه حلو الثاني كان اجرااام يعني يخسف و بريال ماهمه احد الله يستر من الفاينل

مادة ريض ١٥١ كل دكاترتها ماش ايمن يعتبر عندي ممتاز مشكلته سريع لكن إذا وقف ركز بالسبورة وتفهم يشرح اختبارات بكل محاضره شي جميل فركز بكلاسه وأول مايوقف كتابه ركز بالسبورة وبتفهم ان شاء الله وملزمه مالك مهمه الماده لها خصوصي واحد وماش عادي مره ماتسوى خصوصي صراحه

يمشي التأخير نوعا ما بعد ما يغسلك التصحيح أنت وحظك ولازم تناقشه في المحاضره مايمديك تروح مكتبه يشوف ورقتك أسلوبه سيئ قليل أدب في التعامل فعلا قلة أدب

زينته بالشرح, اذا تأخرت عن المحاضرة يوقف الشرح ويعطيك نظرة لمدة 5 ثواني بعدين يقول ليش التأخير وحاول تعتذر وتقول ماراح تصير مرة ثانية لان لو عطيته اي عذر بيقلبه ضدك, انا مره جيت متأخر 10 دقايق لانه كان وقت امطار والشارع غرقان جا قالي واحنا جايين بهيليكوبتر يعني التصحيح منقصني درجتين ونص من المد الثاني وهي حقي يوم جيته المكتب وهزئني شوي عطاني ورقتي وشافها وفعلاً كان منقصني بدون سبب جاء عطاني حقي وقال لو المشكلة بالتصحيح قل من البداية! وهو اصلاً ماخلاني ابرر على طول يهاوش

راجع اغلاطك بعد التصحيح, يغلطك على اجابات صحيح

تاريخي! بالميد مفروض درجتي ١٩ بس اعطاني ٢٤ من ٢٥

اذا ما نقّصك مستحيل يزيدك.

الدكتور للامانه بداية الترم ماكنت انا وياه متفاهمين وشخصيته جافه لكن اذا روق حبيب والتصحيح بالكويز يدقق الصدق لكن بالميد تصحيحه حلو الصدق يده خفيفه وهو قالها بلسانه يقول ما اركز على الحل الصحيح والناتج كثر ما اركز انك فاهم يعني ويعتبر خيار جيد يبيلك تشد بالكويزات و تحل زين بالميد والفاينل وخله يعرفك عشان يضبطك و التحضير اخر المحاضره يحضر ولا يركز على التاخير مره نادر

نصيحة انقلوا الأمثلة اللي يكتبها بالسبورة بالدفتر تبعكم وحلوها وقت المذاكرة ومبروك آل A+ مافهمت ال induction الا منه

افضل دكتور في ريض 151 شرحه حلو يشرح مع امثله يتقبل الأسئلة ويدف وتصحيح حلو واخلاقه عسل يمكن بس عيبه انه يكره التأخير

ما يحب التاخير ويعصب منه ويتذكرك يعني لازم تبين نفسك له وتشارك ولا تقعد على جهازك. يصحح على الخطوات ومتعاون وعنده بونص درجتين وينبه على اشياء تجي يعني لازم تكتب معه وتحل اللي يقوله

والله ياهو شديد جداا بالتصحيح العراجي كان ارحم منه بذا الترم نصيححححة روحو للحلواني هو القوت حق ذي المادة

الدكتور يعني يعتبر افضل السيئين تقريبا لان المادة ذي مدرسينها خمسة بس وهذا يعتبر التوب فيهم تقريبا ،، تصحيحه يعني يعتبر عادي تقريبا يمكن يتساهل معك على أشياء بسيطة بس

التعامل ممتاز يمكن تجلس انت وياه طول الترم بدون لا تتكلمون ولايهاوشك، الدرجات يصحح بالقطارة الا اذا حفظ وجهك اعرف انه بيضبطك بالتصحيح، التحضير يحضر كل نهايه كلاس مايهم مره بس لاتغيب واجد، الشرح يبيلك تركز مرره معه عشان تفهم اغلبية يشتكون بس من ناحيتي كنت افهم عليه انصح فيه صراحه بس لاتتوقع قريد انا كنت متأمل A طلعت B+ وميزته برضو يدف اخر الترم للي باقيله درجتين على القريد الوكاد انه كفو

انحااااااااااااااش

حليت بالاختبار الميد صح ، وحتى متأكدين من الحل ، واكتشفت ان فيه 3 مثلي حلوا نفس حلي واخر شيء قال كلنا خطأ ، رغم الطريقة صحيحة والناتج صحيح ، سألناه ليش غلط؟ ، قال عشانكم ما التزمتوا بطريقتي ، وخسف فينا عشان ذالشيء

لا اجد تعليقا مناسبا ، معاناتي معه تتخطى حدود التعبير

الصراحة كان متعاون بس مافيه شرح ولا تفهم عليه شيء كان متعاون معنا في تصحيح الاختبارات

سيء جدا كشرح ولا انصح فيه ابد .. خصم علي درجات في الحضور رغم اني معطيه اعذار مقنعة جدا وعطاني نصفها بعد العذر بس يفصل على اللي يشغل جواله وهو يشرح او نايم يحضر بباركود اخر المحاضرة ولا تحاول تحضر احد لانه يعدكم

يشهد الله دكتور حبيب حبيب ويبي يعطيك درجات مايحسدك، اقدره تقدير يستحقه وأكثر شرحه عادي بصراحة ولكن درجات وتعامل شيء مو معقول♥️♥️

شرحه ماراح تفهم شي لكن دفني استاهل a عطاني a

شرح لا تدور شرح ابد اذا نزلت عنده لازم تجتهد انك تفهم بنفسك والتحضير الترم هذا عن بعد وكان يحضر نهاية المحاضرة بالاسامي الموجودة بالكلاس بدون ما يتكلم، تصحيحه سيء يا تحل الحل اللي هو يبيه ولا ترا بتنقص حتى لو حلك صح

اول ترم له يشرح الماده كان طالب قبلها ما يحضر و طبعا لان ترم عن بعد ما اقدر احكم عليه مو ذنبه يشرح رياضيات عن بعد ولكن دفنا دف بالميدين وجاب فاينل سهل اصلا ماعندك غيره يدرس هالماده

الصراحة شرحهه مضيعة للوقت صعب تفهم معه تعامله عادي الدرجات يعطيك حقك والتحضير صارم مستحيل يفوته غياباته كثيره نوعاً ما (عن بعد)

دكتور مغربي مدري وشو الترم الثاني ١٤٣٩ كان اول ترم له، شرحه سيء ما تدري هو يتكلم عربي ولا انقليزي ولا وش بالضبط مب فاهم للمادة ويقعد يقرأ السلايدات شوي يجاول يستوعب، يدقق بالتصحيح ولا يدف بنص درجه، محاضرتنا كانت ٥ العصر والاختبار ٨ الليل وعيا يأجلها مستحيل يكنسل محاضره، انحش عنه باختصار

احنا في الاسبوع التاسع ولا اختبارنا ف ما اقدر اقيم تصحيحة الدكتور يدرس ريض ١٥١ الدكتور جدا حبيب بس مشكلتي مع ان شرحه ماهو سيئ بس الا سييييييييئ بشكل ماتتصورة والله المادة هذي أساسية بتخصصي واللي زاد الحقد عليه اني كنت مختار دكتور كويس فيه هذي المادة وفجأه تلقاه هو يدرسني ومتا الاسبوع الثاني عشان ماتقدر تحذف ما اقدر اكمل اسف بموت من القهر اللي فيني

الله يجزاه كل خير تصحيحه ممتاز ولا يحسد احد على الدرجات زي باقي دكاترة العلوم شرحه عادي الى سيء جبر الانصاص بعد كل اختبار داخل الفاينل ابي انجح بس طلعت فيها ب C الحمدلله عموما كويس ويحضر نهاية المحاضره بالكود يعد الموجودين ومحد يقدر يحضر من برا

درسني ١٥١ الترم الاول ١٤٤١ ، دكتور شرحه وسط ما هو سيء ولا ممتاز تصحيحه لنا ممتاز وجبر لنا الانصاص لكل مد ويحضر اخر المحاضره باركود وما تقدر تحضر من برا لانه يحسب الطلاب ، باختصار مش بطال

سيء

سيئ جدا جدا