ناديه سرحان

حسبي يالله ونعم وكيل فيها ، الله حسبيها ، اول مره اكتب تعليق سيء كذا لاحد ، لكن هي ابخص وتعرف وش سوت فينا ، ظلمتنا ، عندها كلمه انتي غاشه زي السلام عليكم ، ماقد بكيت على اختبار كثره من كثر الظلم اللي حسيته فيه ، الحمدلله افتكينا منها ، حرام جامعه مثل سعود عنده وحده زيها ، الماده سهله سهله سهله لكن هي مستقعده

حسبي الله ونعم الوكيل عليها ماده سهله لكن خسفتنا

حسبي الله ونعم الوكيل الماده سهههههبللله وسخيفه ومفروض انه بالراحه مادة قريد اذا مرا مرا A بدون بلس بس هي ظالمه وحسبي الله ونعم الوكيل بيننا ربي يوم القيامه ظلمتني انا والدفعه كلها حسبي الله حسبي الله كيف قهرتني في نفسي اول مره احد بالجامعة يسوي فيني كذا باذن الله انها خصيمتي يوم القيامه على اللي سوته فيني ومو بس انا فينا كلنا حسبي الله حسبي الله حسبي الله

حسبي الله عليك ونعم الوكيل الله حسيبك اول مره اعلق عند تقييم دكتوره كذا بس هذي مو بس علشان الدرجات لا هذي إذا انها ظلمتني هذي وحده من اسواء اللي درسوني بحياتي الجامعيه ومستحيللللل ادرس عندها مره ثانيه هذا غير اللي سوته فينا كطالبات خلال الترم ماعرف ليش هي كذا مشخصنه الامور معانا ؟

غلطه كبيره بحق الجامعه عندهم دكتوره نفس كذا

صراحه ما ادري وش اقول غير الله يسامحها تغلط بالميد والفاينل وما تعوضك وتجحد المنهج سهل بس تصعبه ( لا تنزلون عندها ) جد حرام ظلمت كثير أسلوب ماش مع انها كانت كويسه بداية الترم وتتهم بالغش تقول إلا غاشين بالميد وذي درجاتكم بعد الغش🤣 وفوقها بآخر أسبوع بدال ما نذاكر فاينل نادتنا نشرح شابتر مو داخل معنا لا ميد ولا فاينل وفوقها عطتنا شابتر زيادة بالفاينل يوم جاء ليلة الميد علمتنا انه محذوف !!! صراحه 👎🏻👎🏻

حسبي الله عليها وياخذ حقنا منها ظلمتنا كثير من بدايه الترم وهي سب وشتم فينا بعدها الميد الاسئله كان فيها خطا والميد الثاني جابت سوال مقالي عليه 5 درجات ماينحل غير الفاينل الي ماعلمتنا اي معنا وكيف طريقته الا ليله الفاينل وجاء اسئله نظريه من شابتر محذوف ولا فيه اي بونس ولا شي

لا تصحيح ولا شرح ولا تعامل تكاليف غير واضحه توزيع درجات غير واضحه اختبارات فيها اخطاء بالفاينل والميد

حسبي الله ونعم الوكيل فيها ، لو تقدرون تنزلون عند غيرها بتكون افضل قرار سويتوه اولاً اختبار الميد الاول و الفاينل كلهم فيهم اغلاط بالخيارات كل الخيارات غلط ! تقول مايصلح اجيب الاجوبه كلها موجوده بالاختبار 🤣🤨 ثانيا يضيع وقت المحاضرة و هي تهاوش يعني عادي جدا ٨٠٪؜ من المحاضره هواش و تاخذ وقت إضافي من الكلاس الثاني والله هذي اشياء بسيطه بالي سوته فينا !

بالنسبه لي كنت اشوف الدكتوره كويسه بس الله يهديها ما تذكرت تقولنا انه مطلوب مننا نلخص كل التشابترز الا نهاية الترم بعز الضغط وفصلت شوي علينا عشان البنات اللي يطلعون بعد ما يحضرون. بس الصراحة المشكله مب بس فيها القسم بكبره تعبنا من كثرة الاخطاء بالاختبارات وما يعطونك درجة السؤال الخطأ الا اذا اكتشفتيه انتي غريبين مره مو اختبار واحد ولا اثنين ثلاثه كلهم فيهم اغلاط والفاينل ما ظنتي عوضونا عن الاخطاء اللي نقص خمس درجات واللي ثلاثه على سؤال هم غلطانين فيه.

اهربو

حسبي الله ونعم الوكيل فيها الله لا يوفقها ولا يحللها ولا يسامحها ويوريني فيها عجاااااائب قدرته انسانه مريضه وغير سويه وحقوده بعد ما ذاكرت تشابترات اضافيه للفاينل مع انها محذوفه من قسم العيال والمفترض انها تكون موحده ارسلت ايميل قبل الفاينل بيوم ووضحت لنا الجزئيات اللي بتكون معنا واكتشفنا انه مثل تحديد قسم العيال وان الاختبار موحد اصلا، استهانت بتعبنا ومجهودنا الله لا يحللها

الماده سهله وممتعه بس المس مراااا تخربها عليكم وتعقد الامورررر والتصحيح ابد ما تراعي لو غلطتي بشي سخيف نقصتك كل السوال الله يهديها ويسامحها لانها ظلمتني ظلم وظلمت كثير من الطلاب

الدكتوره كانت كويسه بدايه الترم بالنص مدري شصار الله يهديها.. حذفت الماده بسبتها

الدكتورة غريبة اطوار بشكل درستني كمي ٢٠٤ والمادة جميلة وسهله بس بسببها حذفتها تدقق بالتصحيح بشكل مبالغ فيه ، مرنه بالحضور بس البنات صاروا يطلعون بنص الكلاس وشخصنتها علينا ،، عمومًا اسوء خيار ممكن تاخذون عنده الماده

الدكتوره كان اسلوبها محترم بدايه الترم ولكن فجأة قلبت علينا بسبب بعض البنات لانهم مايحضرون رغم انها كانت موضحه انه الحضور مايهمها والبنات مشو على كلامها ، الاختبارات ماكانت صعبه ولكن التصحيح جدا جدا ظالم واخر الترم زادت علينا تكليف شرح تشابتر جديد علينا ، الله يهديها ويسامحها لكن الاغلب حذف المادة ولو كانت عندكم استبعدوها من خياراتكم افضل

حسبي الله عليها

الدكتوره ك تعامل مب شديده ابد من ناحية اختبارات تقهر شوي ان توزيع الدرجات تحسينه مب عادل يعني سؤال واحد ماتعرفينه تطير عليه ٥ درجات عالعموم احضرو الكلاسات معها لان الي تشرحهه تجيبه ترا و دفتنا مره بالفاينل

اولا الماده يبي لها فهم ومذاكرة مستمره والافضل من مصدر غير الدكاتره وبتكون على قلبكم زي العسل، ثانيا الدكتوره جدا مظلومه من التعليقات،لانها كيوت وتحب المشاركه الواجده وتعصب اذا مارديتوا عليها الصوت بالكلاس،وماحضرتنا ابد تقول انا ما اخلي احد يحمل الماده الا اذا ما حضر ابد او حضر مره وحده بس،واذا في شي موعاجبكم سوو اتحاد وارسلو لها في التلقرام كلكم رسايل كثيره وصدقوني بتسمع لكم.(سبحان الله وبحمده سبحان الله العظيم)

نصيحه خلوكم محترمين معها لانها تعامل الطالبات بالمثل ، كانت تتأخر عن وقت الكلاس الاصلي لكن ماتدقق ابد بالحضور ، الميد الاول كان صعب ، الثاني اوضح بكثير ، والفاينل اوضحهم واسهلهم!! لدرجة انصدمناا جداً كان واضح راجعت معنا قبل الفاينل وجابت الاشياء الي ركزت عليها نصيحه اقنعوها تراجع معهم عن بعد وتسجل المحاضره سوت معنا كذا ، بشكل عام الماده مو سهله وصراحه نقصت كثيير بالميد لكن الفاينل يمكن جبت فل مارك صدمه لان الميد يمكن نقصت اكثر من ١٠ درجات ، نصيحه ذاكروو بدري الماده يبيلها وقت وتدريب وبتوفيق👍🏻

كنت مره خايفه لان الكل يقول انها شديده، لكن صراحه ارتحت يوم درستنا!! تعاملها مره مره محترم وتعطينا وجه وترد علينا وتراجع معنا قبل الاختبارات

حرام عسل مره ما تتساهل السب اللي عليها ابد ابد، الحضور ما تهتم له لو تدخلين اخر ثانيه ولو تطلعين اول ثانيه، الاختبارات عاديه يبي لها تركيز ومذاكره لكن مو صعبه ابد واذا سوت مراجعه احضروها تجيب منها، الواجبات عطتنا كامل، متعاونه الصراحه مره حتى باوقات الاختبارات

مستحيل اخذ عندها مره ثانيه حذفتها من اول اسبوع

مااعرف كيف ksu مخلينها يارب ينهون عقدها شي مو طبيعي لاتصحيح لاشرح مااااششش

سيئه ومااعيد التجربة ابدددداا تصحيحها 👎🏻 ماانصح فيها نهائياً

الله يعينكم ماصدددققتتت افتك منها

اخذت الماده عندها عن بعد تاخذ الوقت كله وبعض الاحيان زياده، بس تعاملها معنا مررره حلو وتساعدك بالاختبار اذا سألتيها عن شي مساعدة محترمه مو اللي كلمة ورد غطاها.

ماتستاهل السب الي جايها لكن الي فهمته انها مع كل دفعة تختلف على حسب الدفعة وتعاملهم لان هي من النوع الي تشخصن اختبرنا ميدين الاول كان نسخ تجميعات عدا المقالي الثاني كان صعب الصراحه والكل نقص الفاينل كان جدًا سهل وكله موضوعي مشكلتها التصحيح مره دقيقه فيه عادي تاخذين صفر من عشره فيه ماتعطي درجة على الخطوات او القانون واحسها تصحح من غير معيار لكن شيكي على ورقتك وحاولي معها الواجبات سهله التعامل معها سهل وترد ايميل وتلقرام واسلوبها محترم الصدق لكن ممكن بنات صارت لهم مواقف وتعطي ورقة تحضير

م/جنونة

هذي الدكتوره الوحيدة اللي حاولوا ماتعطونها وجه وتسولفون وتضحكون معاها لانها متقلبة المزاج ، الميد الاول جابت لنا مثل التجميعات بالضبط ، والميد الثاني جايته من تحت الارض وصعب مره ، والفاينل كان صعب وهي تقول سهل " بالنسبة لها طبعًا " التواصل تقدرون تكلمونها تلقرام ، عطتنا واجبات سخيفة صراحه مقارنةً بالدفعة اللي قبلنا ، كل اللي اقدر اقوله الله يكون بعونكم إذا قلبت عليكم لانها ام وج*هين فجأة تحبكم فجأة تفصل عليكم

شوفو الصراحه عليها سب كثير بس انا اقول لكم الصدق قدرت اني اخليها تمشي لي بدرجتي النهائيه وتتعاون معاي بس من اسلوبي فأنصحكم خلو اسلوبكم معاها مره حلو ومعسول وعاملوها باخلاق وبتقدركم وتتعاون معاكم واكتشفت شي في شخصيتها انه هي تتضايق من بعض حركات البنات علشان كذا مكنسله الاغلب بس اذا شافتكم ما تسوون الحركات ذي بتتغير نظرتها، الحركات مثل الغش واللف والدوران والبنات الي ينشبون! وترا مو صعب تجيبون معاها قريد عالي اللهم بس يحتاج له اجتهاد وانكم تفهمون شخصيتها وتخلونها تعرفكم كويس وتعرف انكم محترمين

كويسه بشكل عام، بس شديده بالتحضير بشكل مب طبيعي

دكتوره ناديه اول مانزل قريدي قلت لازم اروح واقيمها مع اني ما احب اقيم بسبه السب اللي قريته عليها بداية الترم اولاً الماده عن بعد يعني مايفرق مين يدرسك يعتمد عليك اعتماد كلي ثانيا الدكتوره عيبها الوحيد مرات تتاخر عن الكلاس ولا تعطي خبر بس بالنهايه كلاس اونلاين ومردها تسكرين اللابتوب وترجعين تنامين لكن الشيء اللي سوته معانا طالباتها بعد الاساله اللي جتنا في الميد والفاينل والعيد اللي صار سوت لنا ابقريدين ١ من القسم وواحد منها الله يسعدك يادكتوره سعادة الدارين كانك تقرين الكلام

صراحه لو كانت الماده تعليم ذاتي مافرقت معي

في بداية الترم كانت شوي شديده، وتتاخر عن الحضور وتاخذ وقت اطول من وقت كلاسها. لكن مع نهاية الترم صارت جدا متعاونه وتساعدنا واذا ما نبغى كلاسات ما تجبرنا ناخذ. عطتنا بونس أو اب قريد مع الفاينل وجدا ارتفعت درجاتنا، الله يسعدها.

دكتوره كانت صعبه بالتعامل لسبب واحد هو انه ما تلتزم على وقت المحاضره ولما تبدا المحاضره الي أحيانا كانت ساعه بعد الوقت المحدد تغيب البنات احيانا نصير ننتظرها الين ما يخلص وقت المحاضره بعدين تقول انا مشغوله وتخلي محاضرتنا بالليل ما فهمت سبب تدقيقها على حضور وهي نفسها ما تداوم على الوقت. البنات يقولون دفتهم بالنسبه لي ما ندفيت ولا شي .

صراحه اسلوبها كان معي لطيف عيبها الوحيد التحضير كانت شوي متشدده فيه اما شرح صراحه ماكنت اشوف الشرح حقها اذا طلبنا تسجل المحاضرات تسجلها علطول يعني كانت متعاونه معنا صح تتاخر عن المحاضره بس بشكل عام مو سيئه مرا

مدري شلون الجامعه مخليتها اسلوب ؟ ٠ شرح؟ ٠ تعامل ؟ ٠ و اللي يقولون بونس ترا مو منها من القسم و كان البونس موحد للكل لكن شرح و درجات ماراح تفرق معكم اذا الماده موحده

اسلوبها غير حضاري. كل محاضرة تمسك بنت وتهاوشها. ولا تعرف توصل المعلومة تعيد وتكرر على نفس الشيء واذا قربت الوقت يخلص تقعد تشرح وتاخذ من وقتنا

كان كلاسها ثلاث ساعات ورا بعض تاخذ الوقت كاااامل و ما تعطي بريك يعني تصيرين قاعده ثلاث ساعات حرفيا لو ايش ما اخذ عندها مره ثانيه

حذفت المادة عندها، من سوء التعامل وثقل المحاضرة صرت ما اداوم كلاسها حتى لو انا جمب الكلاس. ما تدخل طالبات بعد خمس دقايق من بداية المحاضرة. تاخذ الوقت كله وزيادة. ممنوع تطلين بجوالك ولا تهاوشك. لازم استئذان قبل تقومين لاي سبب. بالمحاضرة الوحدة بتناديك مرتين الى ثلاث مرات. تعصب على اللي يجاوبون غلط لدرجة اسلوب "عطوها توقع واطلعي برا". بتثقل المادة عليك مهما كانت خفيفة ما انصح ابدا الله يصلحها ويهديها

كان الله في عونكم تعبت وانا اكتب عنها ويحجبون كلامي لكن يارب الجمله وصلت لكم