مالك طالبي

مو بذا السوء والله

من ناحية شرح مايعرف يشرح ابدا ويشرح لك النظرية بشكل عاام وسطحي واسئلة الاختبارات تحتاج فهم عميق وشرح امثلة مشابهة من ناحية تعامل لايمكن يعطيك دقيقة من وقته بعد المحاضرة بحجة ان عنده محاضرات الى 5 العصر وان البريك وقته الخاص ف ماهو مجبور يتكلم معك بخصوص تصحيح او ماشابه من ناحية درجات الميد الثاني نزلها بعد 16 ساعة يعني مافي مجال يناظر اجابتك ولا يفكر يساعدك اذا حلك نموذجي تاخذ الدرجة كاملة ولا صفر من ناحية تحضير اسوء دكتور بالتحضير معك خمس دقايق بعدها غياب نصيحة اخ لاتنزل عنده ولو اضطريت تحذف افضل لك

زبال

يهتم بزياده بالتحضير

الصراحه دكتور عادي واقل من عادي من ناحية تعامل ف هو جيد ولكن من ناحية حضور وغياب ف مهم جدا انك ماتغيب عنده ابدا لانه بيساعدك وخله يعرفك كويس ومن ناحية تصحيح ف هو سيء ودقيق بزياده ومن ناحية شرح ف هو كارثي كارثي انتبه تعتمد عليه ومحاضرته ممله مره مره ف صراحه اذا فيه خيار عندك افضل منه رح لكن اذا نزل لك عادي كمل معه واحرص على غيابك وشد حيلك

دكتور مالك واضح انه فاهم في المادة لكن مب عارف يوصلها أبداً وصحيح يحب الطالب الي يشارك و يحفظ اسمه لكن من ناحية الشرح ما اعتقد ان فيه يعتمد على شرحه إلا إذا انت فاهم او محضر او متابع مع خصوصي مو افضل شيء صراحه ، ما يشرح بطريقه ممتعه هدفه يخلص المنهج و اول عشر دقايق كان يقفل التحضير يعني لو جيت بعده انت ضيف

مالك طالبي راعي سواليف وتكيه ولكن ابداً مو دكتور في الجامعة يشرح مادة زي الرياضيات، الدكتور فاهم المادة ولكنه يفتقر لمهارة الشرح وتوصيل المعلومه، يشرح لك باصابعه وهو جالس يبي تتخيل الارقام والخطوات، وشديد بالتحضير وحصته ممله، يعطيك بونص درجتين او ثلاث اذا غيابك قليل، اذا وقت محاضرته يناسبك نزل عنده عادي لكن استعد انك تشترك عند محمد ندا لانك بتحتاجه

اول مانزلي وشفت تقييمه كنت متخوف من تقييمه وبعدها تحسبني بقول صدمني ؟ لا والله طلعوا صادقين اهرب اهرب

الدكتور جيد بشكل عام، من ناحية التعامل فهو متعاون ومتفهم، لكنه شديد من ناحية التحضير، اهم شي اذا كنت عنده لا تغيب، وفي النهاية ما راح يقصر مع اللي غياباته قليلة

عمي و عم عيالي

مالك طالبي دكتور مظلوم، ما اقولك انه الافضل، لكنه حبيب بالتعامل ويدور مصلحتك كطالب، شرحه لا تعتمد عليه يبيلك مصدر خارجي، لكن حلو انك تستفيد منه لانه فاهم مرة بالمادة. الدف يدف لو باقيلك درجة درجتين، ويحب الي فاهم ويشارك معه دايم يقولنا الي يشارك معي بدفه اخر الفصل.

دكتور مالك رجال حبيب وبشوش وماشفت منه الا كل خير، شديد بالحضور ويهتم به مره ويحضر اول دقيقه بالمحاضره، شرحه الصدق ما افهم عليه مره، يحب الي يشارك معه، تصحيحه اراه جميل مب افضل شي لكن ممتاز، يحب يشوفك فاهم، واذا باقيلك شوي عالقريد يزودك

مظلوم بالتقييم دكتور ممتاز لكن مشكلته التحضير

مظلوم والله يده خفيفه مره بالتصحيح و يدفك لو تحضر وتشارك معه مشكلته بس انه شديد فالتحضير

دكتور رهيب مع طلاب الهندسة بتشوف السعد و الدف وانا اخوك لكن لو طالب عمارة انحش ما يحبكم عشان كذا تقييم الدكتور نازل

يا عمري انت

من اكثر الدكاترة الي بيبقون في ذاكرتي، اخلاقة واحترامه يغطون اي سلبية قد تجدها فيه هذا غير ان تصحيحه ممتاز للي فاهمين ، ما اعتقد انه يساعد الطالب المهمل بس الي يشد حيله وما يغيب ويحاول يفهم معه هو الي حريص على درجاته وما بيقصر الدكتور معه . سلبياته ( مع اني ما اشوفها سلبيات بل من حقه ) انه يحضر من البداية بس لو تأخرت او غبت مرة تكلمه ويساعدك ، ممكن يأجل المحاضرات بس ما يلغيها ، شرحه ب ١٠٧ كان صعب ينفهم .

يا جماعة والله العظيم الي يسب الدكتور انه قاعد يظلمه او انه ما يعرف يذاكر للمادة من الاخر مع احترامي. الدكتور جامد بس يعيبه انه يهتم للحضور جداً جداً يعني احضر معه وانضبط وابشر بالخير وانا متاكد انه دافني اقل شي درجتين بالفاينل بس بسبت حضوري معه. يحب جداً ان حلك يكون مرتب وبين له انك فاهم وتصحيحه اسطوري والله كانه دف بحد ذاته. اشوفه خيار ممتاز جداً وما يستاهل التقييم النازل ذا مفروض اقل شي ٧٠٪؜

واضحين الي مقيمين زين انهم كلهم متملقين. اذا انت طالب طبيعي لا تنزل اذا متملق شغلتك تطبطب عند الدكاترة خش يا وحش بيدفك.

محترم و شرحه عادي تصحيح الميدات اسطوري و الفاينل دفني انصح فيه للكل الا اللي يغيب ترا شديد مرا بالتحضير

204 يا حبي لذا الدكتور مظلوم مرا في التقييم شديد في التحضير بس دفني قريد الله يسعده المهم يعرفك و تتناقش معه في المحاضره

أسوء السيئين، نص الشعبة حذفت المادة

تصحيحه بالميدات كان رهيب مره وبالفاينل خربها مره لان كنت متوقع اجيب قريد اعلى … محاضرته طويله وثقيله ودايم ياخذ كم دقيقه زياده عن وقت المحاضره … اتوقع كان باقيلي درجه على القريد الي بعده ولا عطاني اياها ممكن لان غيابي عنده كثير … التقييم ظالمه المفروض يكون حدود ٦٠ … ماراح انزل عنده ثانيه الا لو انحديت لكن بسكل عام مب شين تراه

دكتور مظلوم بشكل عام في التقييم محترم جدا في التعامل و يحترم الطلاب و تصحيحه جامد تقييمه نازل بسبب انه يحضر كل محاضرة بس احتجت درجة تقريبا على القريد و دفني من نفسه بدون ما اكلمه الله يجزاه الخير

الصراحة تصحيحه رهيييب في الميدات ما ادري عن الفاينل بس اتوقع بعد يمشي كثير بس الدكتور من ناحية الشرح شرحه سيء جدًا كل شرحه نظريات راح تحتاج خصوصي والتحضير اهم شيء عنده يحضر من اول دقيقة

الدكتور صراحه عليه سبام ولا هو جيد ,فاهم جدًا للماده ولا راح تحسه يسلك ولكن شرحه عباره عن 80% نظريات 20% امثله يعني يبيله واحد فاهم للماده زين عشان يستوعب كل الي يقوله وتصحيحه كان جيد ما اعرف وشلون اقيمه فيه اسئلة يمشي لك فيها و اسئله لا اما التحضير كان ملتزم وفي نفس الوقت ما يعتبر متشدد , بالمختصر اذا نزل لك لا تشيل هم وضع الدكتور جيد بالنهايه

الأسطورة مالك فوق التقييم يدف اخر شي و تصحيح اسطوري بس لو انت راعي غياب انحش 203

٢٤٤

ريض ٢٤٤

رجل و الرجال قليل دكتور واضح عليه سبام و يشرح لك و يفهمك صح تصيح اسطوري و دفني للقريد اللي بعده رغم اني ما اشارك بس غيابي قليل

دكتور حبيب جداً ومظلوم بشكل كبير بالتقييم امانةً وتصحيحة ممتاز مستحيل يظلمك يعطيك حقك او حتى ممكن يتغاضى لك عن الخطأ اذا كان بسيط وبالفاينل وعدنا خير لو بدعنا وكان قد كلمته متاكد دفني فا الرجال حبيب جداً وخيار ممتاز في ١٠٧ و حتى ٢٠٣

الصراحه اشوف الدكتور مظلوم جدا بالتقييم تصحيحه حلو ما يخصم كثير و تعامله كويس ويحمسك تجيب درجه بس في مشكله عنده التحضير شديد شوي

اللي تحت يستهبل 👇🏻👇🏻👇🏻 هو مقصر

يحضر قبل المحاضره ، تجي الساعه ٧:٥٩ تلقاه مخلص التحضير و المحاضره تبدا ٨ ، الشعبه كلها ع بعضها ٤ منهم ٣ حملوا الماده و الثاني عدا ، تعامل الظاهر يختلف بين حقين الهندسه و حقين العماره لاني اشوفهم يمدحونه بس عندنا شيء ثاني ، ويحب يسمونه الناس ب الشديد

التقييم ظالمه وبقوه

تاريخي

دكتور مالك طالبي مظلوم بالتقييم جداً درست عنده في ١٠٧ وكان ممتاز كتصحيح يعطيك حقك وزيادة ما يخصم كثير ويعلمك خطئك وين بالضبط وتحسه يزعل لو اخطيت وده تجيب فل وتعامله جداً راقي ومحترم اسلوب عسل والتحضير نظامي بشكل اول سبع دقايق يحضر بعدها خلاص لو جيت يقولك كلمني بعدين ولا يصرفك واحياناً يحضرك بس لاتسويها كثير ثم يحفظك انك مب كويس لان بالفاينل الصدق حسيت انه دفني وهو بنفسه قالنا الي بيحاول ويشد حيله بيشوف قريد يرضيه واظنه يدف بالكثير للقريد الي بعده بس وش تبي اكثر الصدق جيد جداً

مظلوووووووووووووووووووووووم

الدكتور ما شاء الله فاهم وعقليته عبقرية بس شرحه صعب ينفهم مع ذلك اكتفيت بمذكرة خواجه ومقاطع دكتور عبدالواحد في اليوتيوب وفهمت المادة زين ، اخلاقه وتصحيحه يشفعون سلبية شرحه ، طبعاً لا تتوقع يدفك بدون ما تجتهد بس لو اثبت انك فاهم وحليت كويس ينقصك شي بسيط ويحاول يعلمك غلطك ويتعاون ، خصوصاً ان ١٠٧ لو غلطت بشي تافه بيخرب الحل كامل بس لو شافك فاهم بيمشيك ، دفني على الاقل درجتين وجبت A+ الله يسعده.

مظلوم قسم بالله يستاهل ٧٠+

القوت 🐐🐐

مستغرب ليه تقييمه نازل كذا من افضل دكاترة الريض يشرحلك شرح ممتاز جداً ويفهمك المادة صح وواضح انه ماشاءالله عليه متمكن وفاهم بمجاله مره مشكلته الوحيده التحضير شديد فيه شوي يحضر اول خمس دقايق ولو جيت بعد الخمس دقايق وكلمته نهاية المحاضرة بيحضرك بس لاتكثر منها ومن ناحية التصحيح عادل جداً لكن مرات يعطيك فوق حقك بدرجة درجتين وبالقريد دفني درجتين للقريد الي بعده

الدكتور حبيب ويقدر المشاركة اذا عرف انك فاهم عطاك الدرجة، نجحني وانا ما استحق النجاح بيض الله وجهه

مظلوم

هو الي مقيم نفسه كويس تحت لا احد ينجر انتبهو

اوكي 👍😊

مظلوم مره كيف كذا تقييمه انا متاكد من الطلاب البلا مب منه

دكتور مظلوم بشكل خيالي والله تقييمه مب منطقي ابداً، نزلي وكنت متخوف بشكل مب طبيعي والله، لكن بعدها انصدمت للامانة من اول محاضرة ، دكتور شرحة جيد بس طبعاً ما يغنيك عن مصادر خارجية لفهم المادة لكن يوضح لك الفكرة بشكل سطحي، تحضيرة جداً شديد يعني اول ٣-٥ دقايق يحضر ولو غبت وجيت متاخر وكلمته نهاية المحاضرة يحضرك، تصحيحة يا جماعة صدمة ، والله العظيم على تقييمه صدمني التصحيح طبعاً هو مب اسطوري لدرجة يدف او يمشي خطا كامل لك لكن يعني دايم يعطيك حقك ويميل انه يكون بصفك بالتصحيح وينبهك عن اخطائك الله يسعده

انحشش

يخوووووووان الدكتور مظلوم اقسم بالله حرام عليكم الدكتور رهيب تحديدا قي التصحيح لو ما تكتب شي ما يعطيك صفر و يدفك للقريد الي بعده و شرح مممممممتاز ما توقعت اني انزل المادة A بس هو ما قصر معي نهائيا الصراحة

الدكتور ماهو سيء بس إنه شديد جدًا. شديد بزيادة بزيادة بالتحضير وتصحيحه أنا اشوفه شديد وخصمه ثقيل, بس يدفك للقريد الي بعده لو ناقصك درجه شرحه بالنسبة لي ماكان واضح ويشرح النظريات بشكل مبالغ فيه بدون مايتعمق بأمثله حقيقية على الاسئلة الحلو فيه الصراحة إنه طيب جدًا وخلوق والإبتسامة ماتفارق وجهه يعني صح إنه شديد بس تحسه يبي مصلحتك الرجال طيب مره

اكثر واحد مظلوم كنت خايف يوم شفت تقييمه لكن الي شفته فرق كبير انسان يشرح صح وبالتصحيح في أشياء يمشيه لك ويحذرك من انك تكرر الخطاء اسطوري

اذا تبي تحافظ على معدلك لاتفكر تنزل عنده انحااااشششش

اخذت عنده الترم الي فات اعوذ بالله سيء مره مره و واااضحه شوفو الرد الآلي كيف اشتغل يوم احد عطاه تقييم سلبي حتى على طول جاته لايكات لا تقعون بالفخ نصييييحه

مع احترامي للي كاتبين تعليقات سلبية عن الدكتور تحت لكن والله العظيم ما صدقوا ابداً، بعدين الدكتور من شمال افريقيا (تونس، الجزائر) كيف يكتب بلهجة سعودية صاحي انت؟ ههههههههههههه، عموماً الدكتور قسم بالله انه كويس ووالله العظيم هذاني حلفت انه مظلوم جداااااً جداً بتقييمه وحبيب ويشرح لكم من سلايداته الخاصة، صراحة شرحة لو تركز ممتاز لكن لو تفقد تركيزك بجزء من الثانية بتضيع شوي ، التصحيح جامد والله واحياناً حتى يتغاضى لك عن الخطأ لو كان مب كبير مره ويحاول ما يخصم على السوال اذا شافك فاهم ، ممتاز مجملاً

افضل دكتور ١٠٧ بدون منازع وحش شرح و يدف للقريد الي بعده

مظلوم قسم بالله

اخلاقه تخليك تحترمه محترم جدددا وبالنسبة للشرح للامانه يبيلك تركز مره عشان تفهمه ومن ناحية التصحيح ما اشوف تصحيحه فيه شي تصحيح طبيعي واذا غلطت يرجع يشوف غلطك وين ويخصم بنفس حجم الغلط ومكانه مب يعطيك صفر زي بعض الدكاترة، مجملا تجربة جميلة

يحضر اول ما يدخل مستحيل يدف ومستحيل يظلمك

الدكتور اول مانزل لي انصدمت من التقييم (كان اقل من كذا بكثير) لكن التقييم شي والواقع شي ثاني مختلف تمامًا بالنسبة للتحضير شديد شويتين يعني لو جيت بتدخل باخر نص ساعه من المحاضره غالبًا ماراح يحضرك وبرضوا عنده نظام التصحيح للميدات يصحح لك حسب غياباتك (يعني اذا غبت مره بيرسل لك الدرجة قبل اللي غاب مرتين وهكذا) بالنسبه لتصحيحه جدًا ممتاز هو يبي يشوفك انت فاهم المادة ولا لا وماراح يقصر معك. اخيرًا انا اشوفه من افضل دكاترة ١٠٧ بكل صراحة اخلاق وتعامله يسير وماقصر معنا طول الترم الله يسعده